Издательский дом Редакция Подписка
Погода в Якутске: . -0 oC

Бу сайт комментарийдарыгар киирэр ыйытыылар сорохторо хомунаалынай боппуруостарга эбит. Онон “СӨ олох-дьаһах хомунаалынай хаһаайыстыбата” ГУП генеральнай дириэктэрин үпкэ уонна экэниэмикэҕэ маҥнайгы солбуйааччы Дмитрий Антонов эппиэттииригэр көрдөстүбүт.

Бу сайт комментарийдарыгар киирэр ыйытыылар сорохторо хомунаалынай боппуруостарга эбит. Онон “СӨ олох-дьаһах хомунаалынай хаһаайыстыбата” ГУП генеральнай дириэктэрин үпкэ уонна экэниэмикэҕэ маҥнайгы солбуйааччы Дмитрий Антонов эппиэттииригэр көрдөстүбүт.

Антонов

--Хачыгаардар хамнастара үрдүө дуо?      

--Бүгүҥҥү күҥҥэ «Саха Өрөспүүбүлүкэтин олорор дьиэ-уот, хомунаалынай хаhаайыстыбата» судаарыстыбаннай унитарнай тэрилтэҕэ уопсайа 9 417 киһи үлэлиир. Итинтэн кытаанах оттукка операторынан, хачыгаарынан 2 525 киһи. Кинилэр ыйдааҕы орто хамнастара 48 105,00 солкуобайга тэҥнэһэр. 2022 сыл балаҕан ыйыттан хамнас былаан быһыытынан 5% үрдүөҕэ.

-Быйылгы оттук дьыла хайдах түмүктэнэн эрэрий?

- 2021-2022 оттук дьыла этэҥҥэ ааһан эрэр. Бэлэмнэнии үлэлэрин хас биирдии филиалга эрдэтинэ тэрийбиппит. Бүгүҥҥү туругунан ыстаатынан үлэлииллэр. Оттук кэмигэр улахан саахал тахсыбата, олорор уонна социальнай-култуурунай эбийиэктэр тоҥуулара бэлиэтэммэтэ.

Манна даҕатан эттэххэ, салалта сүрүн болҕомтотун хочуолунайдар хаһаайыстыбалара саахала суох үлэлииллэригэр сүрүн болҕомтотун уурар. Ол курдук, бырааһынньык уонна өрөбүл күннэргэ, тымныы муҥутуур кэмигэр эбийиэктэргэ хонтуруол күүһүрдүллүбүт бэрээдэгинэн ыытыллар.

Производственнай филиалларга хочуолунай эбийиэктэрин суукканы толору  хонтуруоллуубут. Улахан болҕомтону саахалы туоратар биригээдэлэр үлэһиттэрэ ирдэнэр малынан-салынан хааччыллыылара толору буоларыгар уурабыт. Салайааччылар уонна кинилэр солбуйааччылара өрүү сибээскэ бааллар. Хочуолунайдар саахал тахсар түгэнигэр, тутатына резерванан үлэлиир уокка холбоноллор, маныаха туруктара өрүү бэрэбиэркэлэнэр. Ол бу буолар түгэнигэр саппаас чаастар уонна мал-сал 100% филиалларга тиэрдиллэн турар. Маны тэҥэ оттугу саппаастаах хас биирдии улууска кэмигэр тиэрдэбит. Кииннэммит итиини уонна уунан хааччыйыыны тиэрдэр үлэһиттэн үлэ уонна технология дьиссипилиинэтигэр ирдэбиллэрэ кэтэниллэр. Баһаартан сэрэхтээх буолууга улуустар, куораттар баһаарынай чаастарын кытары үлэ тиһигин быспакка барар.

--Киирэ турар сааҥсыйалар ОДьКХ өҥөлөрүгэр (кииннэммит ититиигэ, тымныы уонна итии ууга) сыана үрдээһинигэр тиэрдиэхтэрэ дуо?

- Биһиэхэ маннык сурах кэлэ илик, былааҥҥа суох. Сыана үрдээһинэ СӨ сыанаҕа бэлиитикэтин Судаарыстыбаннай кэмитиэтин кэмпэтиэнсийэтэ  буолар.

  • 0
  • 0
  • 0
  • 0
  • 0
  • 0

Комментарии (1)

This comment was minimized by the moderator on the site

Ортоку хамнас в среднем 48.105тр диэбит да уьуйээн эрэ. Хамнаспыт 31-32тр ыйга. Туохха да тиийбэт.

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением