Ол курдук, 2022 сылга РФ Бырабыыталыстыбата чэпчэтиилээх тарыыбынан тимир суолунан тыа хаһаайыстыбатын бородууксуйатын тиэйиигэ субсидия быһыытынан эбии 2 млрд. солкуобайы киллэриэ. Тустаах уураахха РФ премьер-миниистирэ Михаил Мишустин илии баттаата.
Эбии үбүлээһин көмөтүнэн таһаҕас тиэйии кэриҥэ 1 мөл. туоннаҕа диэри улаатыа.
Бу иннинэ, кулун тутар 24 күнүнээҕи бырабыыталыстыба мунньаҕар, саҥа усулуобуйаларга бүддьүөтүнэн көрүллүбүт 2,3 млрд. солкуобай ситэтэ суоҕа этиллибитэ.
Тыа хаһаайыстыбатын бородууксуйатын тимир суолунан тиэйиигэ судаарыстыбанан өйөбүл 2019 сылтан киирбитэ. Бу көмө тимир суолунан таһаҕас тиэйээччилэр чэпчэтиилээх тарыыбынан үлэлииллэригэр сүтэрэр барыыстарын толуйарга ананар. Чэпчэтиилээх тарыып куруус арааһыгар тарҕанар.
-
0
-
0
-
0
-
0
-
0
-
0
