Издательский дом Редакция Подписка
Погода в Якутске: . -11 oC

Халаантан тэптэрэн, оттооһуҥҥа уустук балаһыанньа Дьааҥы, Кэбээйи, Горнай улуустарыгар үөскээтэ.

Халаантан тэптэрэн, оттооһуҥҥа уустук балаһыанньа Дьааҥы, Кэбээйи, Горнай улуустарыгар үөскээтэ.

Дьааҥы улууһа кыстыыр отун (8 200 т) 26 %-ын хааччынар кыахтаах, 6 000 туоннаны мобильнай биригээдэлэринэн ыраах учаастактарга оттуур соругу туруорунар уонна Эбээн Бытантай улууһун кытары кэпсэтэр. Атырдьах ыйын 2 күнүнээҕи чахчынан, улууска 13 тыраахтардаах 614 киһи, 261 звено, ол иһигэр 8 толору мэхэньисээссийэлээх, 20 ситэтэ суох мэхэньисээссийэлээх, 4 көлө уонна 229 илии звенота оттуу сылдьар. Кинилэр 946 гектар ходуһаны охсон, 285 туонна оту кэбистилэр.

Кэбээйи улууһун ходуһатын 70 %-а ууга сытар. Сииттэ, I Лүүчүн, II Лүүчүн, Мукучу, Тыайа нэһилиэктэригэр олохтоох суолталаах ыксаллаах быһыы-майгы эрэсиимэ биллэриллэн, ууну түһэрии үлэтэ ыытыллар. Билиҥҥи туругунан, 945 гектар ходуһа охсуллан, 1033 туонна от кэбиһилиннэ. Ону таһынан мобильнай биригээдэлэри ыытан оттотор биитэр от атыылаһар туһунан Хаҥалас улууһун кытары кэпсэтии барар.

Горнай улууһа 12 000 туоннаҕа былааннааҕыттан бэйэтин сиригэр 8 200 туоннаны оттуур кыахтаах, билиҥҥитэ 2 487 туоннаны кэбистэ. Тиийбэт отун Дьокуускай куорат таһынааҕы сирдэртэн хааччынар буолла.

  • 0
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением