«ОДьКХ» ГУП иһитиннэрбитинэн бэс ыйын 1 күнүнээҕи туругунан, Дьабаракы-Хайа таах чохтоох сиргэ Амма, Ньурба улуустарыгар тиэрдиллиэхтээх 46125 туонна кытаанах оттук суудуналарга тиэллибит. «ОДьКХ» ГУП Амматааҕы филиалын начаалынньыга Анатолий Нестерев: “Дьабаракы-Хайаттан Амма улууһугар барыта 30000 туонна чох кэлиэхтээх. Суудуналарга тиэллэн устан иһэр. Бэҕэһээ 19000 туонна чох кэлбитин Амма сэлиэнньэтин аннынан Солобуода тиксиигэ (причал) сүөкээн бүтэрдибит. Өрүскэ уу күүскэ түһэ турар. Онон ыксыыбыт. Уу наһаа түстэҕинэ, кэлэн иһэр чохтон 4000 туоннатын Соморсун аннынан сүөкүөхпүт диэн быһаарынан олоробут», - диэн иһитиннэрдэ. Маны тэҥэ, Дьабаракы-Хайаттан суудуналарга 16125 туонна таас чох тиэллэн, Ньурба улууһугар тиэрдиллиэхтээх. Уу суолунан маҥнайгы кэмнэргэ Амма уонна Бүлүү өрүстэринэн барыта 78700 туонна таас чох тиэллиэхтээх.
-
0
-
0
-
0
-
0
-
0
-
0
