Издательский дом Редакция Подписка
Погода в Якутске: . 19 oC

Мэҥэ Хаҥалас улууһун Дьаҥхаады нэһилиэгэр 100 ынахха анаммыт, толору хааччыллыылаах сүөһү иитэр комплекс аһыллыытыгар анаммыт дьоро күн буолан ааста.

Мэҥэ Хаҥалас улууһун Дьаҥхаады нэһилиэгэр 100 ынахха анаммыт, толору хааччыллыылаах сүөһү иитэр комплекс аһыллыытыгар анаммыт дьоро күн буолан ааста.

Бу комплексы Андрей Холмогоров 2020 сыллаахха дьиэ кэргэнинэн бааһынай хаһаайыстыба пиэрмэтин сайыннарыы федеральнай бырагыраама 15 мөлүйүөн солкуобайдаах граныгар тирэҕирэн туттубут.
– Саҥа комплекс дойдуларыгар олохсуйан, үлэни-хамнаһы тэриниэн баҕарар эдэр дьоҥҥо холобур буолар. Андрей Лукич Холмогоров улуус биир уопуттаах хаһаайыстыбанньыга. Ааспыт сылларга «Бүтэйдээх», «Солооһун» кэпэрэтииптэри салайбыта, 2015 сылтан бааһынай хаһаайыстыбатын тэринэн үлэлиир. Ааспыт күһүн Бүтүн Арассыыйатааҕы «Көмүс күһүн» быыстапка-дьаарбаҥкаҕа үрүҥ көмүс мэтээлинэн уонна тыа хаһаайыстыбатын бородууксуйатын оҥорон таһаарыыга үрдүк көрдөрүүлэрин иһин дипломунан бэлиэтэммитэ. АГАТУ-ну кытары үлэлэһэр, онон устудьуоннар кини хаһаайыстыбатыгар быраактыкаларын бараллар, үлэ-хамнас төрүттэрин кытары билсэллэр. Бу саҥа комплекс үлэ көрдөрүүтүн өссө үрдэтэргэ тирэх буолуо, – диэтэ тыа хаһаайыстыбатын миниистирин солбуйааччы Николай Афанасьев.

Дьанхаады_--_3.jpg

– Эдэр сааспар күүрэн-хааран үлэлээбит дойдубар маннык, аныгы ирдэбилгэ эппиэттиир аныгы хотон тутуллубутуттан олус үөрдүм, – диир «Үлэ Албан аата» үһүс истиэпэннээх уордьан кавалера, өрөспүүбүлүкэ тыатын хаһаайыстыбатын үтүөлээх үлэһитэ, рекордсмен ыанньыксыт Павел Шарин. – Барыта толору хааччыллыылаах, сүөһү автопоилканан уулуур, ынах аппааратынан ыанар. Өссө үөрүүлээҕэ диэн комплекс тутуутун ороскуотун 98 %-на толуйуллар эбит, ити хаһаайыстыба салгыы сайдарыгар улахан көмө  буолуоҕа.

Дьанхаады_--_2.jpg

Хаһаайыстыба 230 симментал боруода сүөһүлээх, онтон ыанар ынаҕын ахсаана 62. Маны таһынан 142 калмык боруода сүөһүтэ туспа хотоҥҥо турар. Сэттиэ буолан үлэлииллэр: хаһаайыстыба баһылыга Андрей Лукич тыраахтарынан от киллэрэр, калмыктарын көрөр-истэр, сопхуос саҕаттан пиэрмэҕэ үлэлээбит уопуттаах ыанньыксыттар Александра Шишигина уонна Владимир Татаринов ынахтары ыыллар, Аркадий Олесов субаннары көрөр, ону таһынан өссө үс үлэһит баар эбит. 

  • 0
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением