Төһө даҕаны кэлиҥҥи сылга навигация уустук буолбутун да иһин, ЛОРП хампаанньа Росморречфлот ыытар куонкуруһугар “Лидер отрасли” номинацияны сүктэ. Тэрилтэ үлэһиттэрэ сыллата бэйэлэрин салааларыгар үрдүк көрдөрүүлэри ситиһэллэр. Ол курдук, 2018 сылтан таһаҕаһы таһыы 27% үрдээтэ.
Бу тэрилтэ маҥнайгы кыайыыта буолбатах. Дойдубут үрдүнэн уу тырааныспардарынан дьарыктанар тэрилтэлэр куонкурустарыгар “Лидер отрасли” ааты аан маҥнайгытын 2017 сылга сүкпүтэ.
“Кыайыыбыт, бастатан туран, улахан хамаанда, хас биирдии үлэһит сыралаах үлэтин түмүгэ. Стратегическай таһаҕаһы таһыыга үрдүк көрдөрүүлэри ситиһиибит кинилэртэн тутулуктаах”, - диэн генеральнай дириэктэр Сергей Ларионов бэлиэтиир.
Хаартыскалар ЛОРП пресс-сулууспатын сайтыттан
- 0
- 0
- 0
- 0
- 0
- 0