Мунньахха профильнай министиэристибэлэр уонна биэдэмистибэлэр бэрэстэбиитэллэрэ, РФ Аартыка зонатын Уопсастыбаннай сэбиэтин, научнай уопсастыба, Хоту дойду, Сибиир уонна Уhук Илин аҕыйах ахсааннаах тѳрүт норуоттарын бэрэстэбиитэллэрэ кытыннылар.
Мунньах кыттыылаахтара РФ Аартыка зонатын ѳйѳѳhүҥҥэ судаарыстыбаннай Бырагыраама тэрээhиннэрин олоххо киллэрии былаанын дьүүллэстилэр. Бу сыалга 2022 сыллаахха Аартыка зонатын 3 субъегар федеральнай бүддьүѳттэн 516,24 мѳл. солк. бэриллибит: Саха Ѳрѳспүүбүлүкэтигэр – 356,2 мѳл. солк., Ненецкэй автономнай уокурукка – 79,46 мѳл. солк., Чукотскай автономнай уокурукка – 80,59 мѳл. солк.
Ол курдук, судаарыстыбаннай кѳмѳ таба иитэр хаhаайыстыбаларга уонна норуот үгэстээх промыселларын ѳйѳѳhүҥҥэ оҥоhуллубут. Ону тэҥэ социальнай туристическай инфраструктура тэриллэр, хоту таhаҕаhы тиэрдии хааччыллар. Ураты болҕомто ис ырыынакка табаhыттар оҥорон таhаарар бородууксуйаларын батарыыга ууруллар.
Быйыл 2023 сылга Хоту дойду, Сибиир уонна Уhук Илин аҕыйах ахсааннаах тѳрүт норуоттарын ѳйѳѳhүн бырагырааматыгар ѳссѳ 450 мѳл. солк. ыытыллыаҕа.
Итиэннэ биир сүрүн боппуруоhунан мунньахха 119№ Федеральнай Сокуонунан босхо туhанарга сир учаастактара бэриллиэхтэрин сѳптѳѳх РФ Аартыка зонатын субъектарын территорияларын быhаарыы туhунан сокуон барылын дьүүллэhиитэ буолла. Санатар буоллахха, «Аартыка гектара» бырагыраама 2022 сыл атырдьах ыйын 1 күнүттэн үлэлиир. Бастаан «Аартыка гектара» олохтоох дьоҥҥо, онтон кэлин дойду атын гражданнарыгар тиийимтиэ буолбута.
Түмүккэ Уопсастыбаннай сэбиэт бэрэссэдээтэлэ Григорий Ледков 2023 сыл атырдьах ыйыгар Красноярскай куоракка аҕыйах ахсааннаах тѳрүт норуоттар Аан дойдутааҕы күннэрин ыытарга эттэ.
Источник: Уhук Илин сайта.
-
1
-
0
-
0
-
0
-
0
-
1
