Издательский дом Редакция Подписка
Погода в Якутске: . 8 oC

Федерация Сэбиэтигэр дойду кэккэ эрэгийиэннэрин сайыннарыыга анаммыт бырайыактары олоххо киллэрии хаамыыларын дьүүллэстилэр, ол иһигэр Саха Өрөспүүбүлүкэтин  социальнай-экэнэмиичэскэй сайдыытын.

Федерация Сэбиэтигэр дойду кэккэ эрэгийиэннэрин сайыннарыыга анаммыт бырайыактары олоххо киллэрии хаамыыларын дьүүллэстилэр, ол иһигэр Саха Өрөспүүбүлүкэтин  социальнай-экэнэмиичэскэй сайдыытын.

Дойду субъектарын бэрэстэбиитэллэрэ социальнай-экэнэмиичэскэй суолталаах эбийиэктэри өрөмүөннээһин уонна тутуу боппуруостарын таарыйдылар. Сүбэ мунньах кэмигэр СӨ Бырабыыталыстыбатын бастакы солбуйааччы Кирилл Бычков Саха Сирин социальнай-экэнэмиичэскэй сайдыытыгар ылыныллыбыт уураах 22 пуунуттан биэс пууна толоруллубутун туһунан иһитиннэрдэ. Ону сэргэ, кини этэринэн, улахан эбийиэктэри, балыыһалары, аэропортары былааннааһыҥҥа, ол иһигэр  Өлүөнэ өрүһү туоруур күргэ тутуутун үлэлэрэ салҕанар.

петров

Ил Түмэн Экэнэмиичэскэй, инвестиционнай уонна бырамыысыланнай бэлиитикэҕэ сис кэмитиэтин бэрэссэдээтэлэ Павел Петров уурааҕы толорууга ыытыллыбыт үлэлэри кэпсээтэ.

- Ил Түмэн дьокутааттарын уонна бырабыыталыстыбатын холбоһуктаах үлэлэрин түмүгэр былырыын ахсынньы 23 күнүгэр  729 №-дээх Федерация Сэбиэтин уурааҕа ылыныллыбыта. Маннык хайысхалаах уураах үһүс төгүлүн бигэргэнэр. Ол эрээри, 2022 сыл бүтэһигэр ылыныллыбыт уураах 2012 уонна 2017 сс. ылыныллыбыт уураахтартан төрдүттэн олох атын. Бу уураахха биһиги өрөспүүбүлүкэҕэ тырааныспар, энергетика уонна социальнай инфраструктура эбийиэктэрин салгыы сайыннарарга, федеральнай бүддьүөттэн кыттыгас эбии үбүлээһиҥҥэ сүбэлэри ылыналларыгар бары кыһамньыбытын уурдубут. Чуолаан уураахха маннык боппуруостар киирдилэр:

- Дьокуускайга 245 миэстэлээх өрөс­пүүбүлүкэтээҕи клиническай инфекционнай балыыһаны тутуу;

- 2024 сылга диэри магистральнай инфраструктураны саҥардыы уонна кэҥэтии былаанын оҥоруу;

- аэропортар комплекстарыгар көтөр-түһэр балаһалары бырайыактааһын уонна саҥардыы, Ленскайга, Уус Куйгааҕа, Зырянкаҕа, Маҕаҥҥа, Полярнайга көмө инфраструктуратын эбийиэктэрин тутуу;

- нэһилиэнньэҕэ табыгастаах буолууну хааччыйыыга Саха Сирин иһинэн салгын тырааныспарын маршруттарын 35-кэ диэри элбэтии;

- ХИФУ мэдиссиинэ институтугар виварийдаах учебнай-лабораторнай куорпуһу, Үрдүкү музыкальнай оскуолаҕа үөрэх куорпуһун, Дьокуускайга түөрт оскуоланы, Намҥа, Бүлүүгэ оскуолалары, энергетика, успуорт эбийиэктэрин тутуу;

- доруобуйа харыстабылын, тыа сирин кэлимник сайыннарыы, экологияны тупсарыы.

Бырабыыталыстыба бэрэссэдээтэлин бастакы солбуйааччы Кирилл Бычков эппитин курдук, уураах сорох пууннара дойду бырабыыталыстыбатын өртүттэн толоруллубуттар, оттон уураах атын пууннарынан бары дьаһаллары олоххо киллэрэргэ үлэлэһэбит, – диэн Павел Петров бэлиэтээтэ.

  • 0
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением
Уопсастыба

Төлөпүөнтэн тутулуктаныы

Аныгы киһи төлөпүөнүн туппутунан утуйар уонна уһуктар, үлэбитин быһаарсабыт, онтон…
19.05.24 12:53