Издательский дом Редакция Подписка
Погода в Якутске: . 4 oC

Ахсынньы 13 күнүгэр Ил Түмэҥҥэ «2024 сылга Саха Ѳрѳспүүбүлүкэтигэр хомунаалынай ѳҥѳлѳргѳ уонна электроэниэргийэҕэ прогнозтанар тарыыптар» диэн тиэмэҕэ бырабыыталыстыба чааhа буолла. Мунньаҕы Ил Түмэн Бүддьүѳккэ, үпкэ, нолуок уонна сыана бэлиитикэтигэр, бас билии уонна приватизация боппуруостарыгар сис кэмитиэтин бэрэссэдээтэлэ Юрий Николаев салайан ыытта. СѲ Бырабыыталыстыбатын Бэрэссэдээтэлин бастакы солбуйааччыта Дмитрий Садовников, бырабыыталыстыба чилиэннэрэ, норуот дьокутааттара, ѳрѳспүүбүлүкэ муниципальнай тэриллиилэрин уонна куораттааҕы уокуруктарын бэрэстэбиитэллэрэ кытыннылар.

Ахсынньы 13 күнүгэр Ил Түмэҥҥэ «2024 сылга Саха Ѳрѳспүүбүлүкэтигэр хомунаалынай ѳҥѳлѳргѳ уонна электроэниэргийэҕэ прогнозтанар тарыыптар» диэн тиэмэҕэ бырабыыталыстыба чааhа буолла. Мунньаҕы Ил Түмэн Бүддьүѳккэ, үпкэ, нолуок уонна сыана бэлиитикэтигэр, бас билии уонна приватизация боппуруостарыгар сис кэмитиэтин бэрэссэдээтэлэ Юрий Николаев салайан ыытта. СѲ Бырабыыталыстыбатын Бэрэссэдээтэлин бастакы солбуйааччыта Дмитрий Садовников, бырабыыталыстыба чилиэннэрэ, норуот дьокутааттара, ѳрѳспүүбүлүкэ муниципальнай тэриллиилэрин уонна куораттааҕы уокуруктарын бэрэстэбиитэллэрэ кытыннылар.

Сүрүн информацияны иhитиннэрбит СѲ сыана бэлиитикэтигэр судаарыстыбаннай кэмитиэт бэрэссэдээтэлэ Николай Бочков хомунаалынай ѳҥѳлѳргѳ уонна электроэниэргийэҕэ тарыыптар уларыйыыларын уратытын бэлиэтээтэ. Кини этэринэн, 2022 сыллаахха олохтоммут бу тарыыптар 2023 сылга уларыйбатахтар, итиэннэ итинник уларытыыта суох 2024 сыл бастакы аҥаарын устата, от ыйын 1 күнүгэр диэри үлэлиэхтэрэ.

Ол курдук, электроэниэргийэҕэ, гааска, кытаанах хомунаалынай тобохтору тиэйиигэ, ититиигэ уонна уунан хааччыйыыга тарыыптар 2024 сыл иккис аҥаарыттан уларыйыахтара. Хомунаалынай тѳлѳбүрдэри гражданнар тѳлѳѳhүннэрин чааhыгар уларыйыы индексэ РФ Бырабыыталыстыбатын дьаhалынан Саха Ѳрѳспүүбүлүкэтигэр 9,5 % кээмэйинэн бигэргэммит, оттон туорааhыны учуоттаан, муниципальнай тэриллиилэргэ — 3 %.

СѲ ОДьКХ уонна энэргиэтикэҕэ Министиэристибэтин дааннайдарынан, итиинэн, уунан хаачыйыы уонна ууну ыытыы эйгэлэригэр саахал тахсыыта быйыл 2022 сыллааҕар намтаабыт. Ыытыллыбыт үлэ түмүктэринэн сыл аайы итиинэн хааччыйыы эбийиэктэригэр технологическай кэhиилэри 20 %, оттон ууну ыытыыга 10% намтатыы былааннанар. Ону таhынан, ОДЬКХ үлэhиттэрин хамнастара улаатар.

Дакылааччыт тас сааҥсыйаларынан сибээстээн, оттук сыаната үрдээhинэ кыайан салайыллыбатын бэлиэтээтэ. Холобур, ньиэп, гаас, чох сыанатыгар.

Түмүккэ Николай Бочков Бырабыыталыстыба чааhын кыттыылаахтарын — норуот дьокутааттара Антонина Григорьева, Владимир Прокопьев, Алёна Атласова, Александр Корякин, Александр Иванов, Иван Данилов, Игорь Григорьев, Нюргуяна Заморщикова уонна муниципальнай тэриллиилэр бэрэстэбиитэллэрин ыйытыыларыгар эппиэттээтэ.

Бырабыыталыстыба чааhыгар кыттыбыт норуот дьокутааттара бэйэлэрин санааларын эттилэр. Иван Данилов чох бырамыысыланнаhын үлэhиттэригэр бэриллэр чэпчэтиилэр суумаларын ааҕыыга болҕомтону уурарга ыҥырда. Владимир Прокопьев чэпчэтиилээх тарыыптар дифференциация таhымыттан уонна атын фактордартан тутулуга суох хаалыахтаахтарын, Игорь Григорьев электроэниэргийэнэн ититиллэр олорор дьиэлэр бас билээччилэригэр чэпчэтиилэри биэрэр уонна Алёна Атласова сыана үрдээhинин боппуруоhун хат кѳрѳр, элбэх оҕолоох дьиэ кэргэттэри ѳйүүргэ миэрэлэри ылар наадалааҕын эттилэр. Оттон Андрей Находкин СѲ сыана бэлиитикэтигэр Судаарыстыбаннай кэмитиэтин салалтата хомунаалынай ѳҥѳлѳргѳ уонна электроэниэргийэҕэ тарыыптары бэрээдэктииргэ чопчу быhаарыылары оҥорорго ыҥырда.

  • 0
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением