Судаарыстыбаннай бырагырааманы көннөрүү судаарыстыбаннай бүддьүөт туһунан сокуоҥҥа сөп түбэһиннэрэн оҥоһулунна. Бырагыраамаҕа уопсайа 127 803 466, 67 тыһ. солк. көрүллүбүт, 2024 с. үбүлээһин 25 127 708,47 тыһ. солк. эһиил 26 704 788, 94 тыһ. солк.
Авиационнай былаһааккалары тутууга ороскуот саҥа көрүҥэ киирэн биэрдэ, федеральнай авиационнай быраабыланы тутуһарга нэһилиэктэргэ навигационнай пааспары оҥоруохтара. Итиэннэ олохтоох суолу өрөмүөннүүргэ субсидияны биэрии чуолкайданна.
Павел Петров судаарыстыбаннай бырагыраамаҕа кыһыҥҥы суолу оҥоруу киирэрин-суоҕун ыйыталаста. Владимир Сивцев суол пааспарыгар уонна өрөспүүбүлүкэ уурааҕынан оҥоһуллубут ирдэбилгэ олоҕуран кыһыҥҥы суолу көрүү быһаарылларын туһунан эттэ. Суол пуондатын дохуода бүддьүөт таһынан тырааныспар нолуогуттан, суол быраабылатын кэһии иһин төлөнөр ыстарааптан таҥыллар. Ыстарааптан сылга өрөспүүбүлүкэ үрдүнэн 300 мөл.солк. киирэр, 10 млрд. солк. ити бэрт кыра өлүүнү ылар.
Аныгы технология уонна сиэрбис сайдан ыстараабы хомуйуу көрдөрүүтэ сыл ахсын тупсан иһэр. Суол быраабылатын кэстэхтэринэ урут суругу буочта дьааһыгар угаллара, ону көрөр киһи бэрт аҕыйаҕа. Билигин сурук электроннай көрүҥүнэн тиийэр, суоппар ыстараабы баан мобильнай сыһыарыытын көмөтүнэн төлүүр. Олохтоохтор ыстарааптарын уһаппакка-кэҥэппэккэ эрдэ төлөөн иһэргэ кыһаналлар, оччотугар кинилэр кыраны төлүүллэр. Сылга 16 мөл. солк. госпошлинаттан киирэр.
Хаартыска: Дром саайтыттан, Василий Кононов.
-
0
-
0
-
0
-
0
-
0
-
0
