Ил Түмэн дьокутаата, “Саханефтегазсбыт” АУо генеральнай дириэктэрэ Виктор Лебедев билиһиннэрэринэн, бастатан туран, научнай чинчийиини ыыттарбыттар. Ол курдук, 2024 сыл муус устар-ыам ыйдарыгар Арассыыйатааҕы билим академиятын Сибиирдээҕи салаатын Ньиэп уонна гаас проблемаларын үнүстүүтүгэр чинчийиилэр ыытыллыбыттар. Ол түмүгүнэн ханьыыстаралары бэйэ сырьетуттан оҥорууга көҥүл ылбыттар, салгыы производство боппуруоһун быһаарыы түһүмэҕэ саҕаламмыт. Дьокутаат бэлиэтииринэн, арассыйаатааҕы полиэтилен композиттартан оҥоһуллубут уматыгы харайар ханьыыстаралар ТУ 2297 – 001 -52500864 – 2012 ирдэбилигэр эппиэтииллэр. Ону тэҥэ, омук сиригэр оҥоһуллубут ханьыыстараларыттан хаалсыбаттар. Онон билигин оҥорууну кэҥэтэн, хоту, уустук суоллаах-иистээх нэһилиэнньэлээх пууннары хааччыйар сорук турар. “2024 сыл алтынньытыгар ханьыыстаралары оҥорууга саҥа сырьену атыылаһарга былаанныыбыт”, - диэн дьокутаат ханьыыстаралар туттарга бары өртүнэн табыгастаахтарын, бөҕөлөрүн, куттала суохтарын бигэргэттэ.
Санатар буоллахха, “Саханефтегазсбыт” АУо бэйэтигэр 25-40 киилэлээх полиэтилен ханьыыстаралары оҥорор производстволаах уонна кэлиҥҥи сылларга омук сирдэригэр оҥоһуллар тэрили, сэби бэйэ дойдутунааҕыларынан солбуйарга улахан үлэни ыытар. Холобура, АЗС-га уматыгы биэрэр колонкалары уонна АЗС ситимнэрин бырагыраамаларын уларытыы бара турар. Ньиэп бородуукталарыгар кэммиэрчэскэй учуоту ыытар көһө сылдьар тэрили Арассыыйаҕа оҥоһуллубутунан солбуйдулар.
Хаартыскалар "Саханефтегазсбыт" АУо пресс-сулууспатыттан
-
1
-
0
-
0
-
0
-
0
-
0
