“Хомунаалынай төлөбүрдэргэ чэпчэтиилэр олохтонон тураллар – Арассыыйа/ССРС Дьоруойдарыгар, Үлэ Дьоруойдарыгар 100%. Инбэлииттэргэ, бары группалаахтары киллэрэн туран, инбэлиит оҕолоох дьиэ кэргэттэргэ, бойобуой дьайыылар бэтэрээннэригэр, анал байыаннай дьайыы кыттыылаахтарыгар, Аҕа дойду улуу сэриитин кыттыылаахтарыгар, блокадаламмыт Ленинград олохтоохторугар, концлааҕырдарга хаайыллыбыттарга, “чернобылецтарга” уонна кинилэргэ тэҥнэниллибиттэргэ 50 % чэпчэтии көрүллэн турар. Элбэх оҕолоох дьиэ кэргэттэр 30 % чэпчэтиин туһаналлар, ону кытта эрэгийиэннэр бүддьүттэриттэн көрөн, үрдэтиэхтэрин сөп. Ону тэҥэ, үгүс эрэгийиэннэр биэнсийэлээхтэргэ, социальнай эйгэ үлэһиттэригэр, үлэ бэтэрээннэригэр эби чэпчэтиилэри аныыллар,”- диэн дьокутаат чопчулаан биэрдэ.
В. Кошелев эппитинэн, чэпчэтиинэн туһанааччыларга хапсыбат кыраасданнаркыбартыыра иһин төлөбүрдэрэ дьиэ кэргэн уопсай дохуотуттан 22 % ордугу төлүүр буоллахтарына, субсидиянан туһаныыга бырааптаахтарын умнумуохтарын наада. “2026 сылтан саҕалаан оросчуоту ааҕыыга тииһинэн олоруу саҥа алын кээмэйин сууматыттан аҕыллыахтаах. Билигин ол дойду үрдүнэн ортотунан 18 939 солк тэҥнэһэр. Бу сууматтан аччыгый түбэлтэтигэр, кыччатар кээписиэн туттуллар, ”- диэн кини эбэн этэр.
ххх
Саха Сиригэр 2026 сыл бастакы кыбартаалыгар 11 тыһ. тахса дьиэ кэргэнОДьКХ өҥөлөрү төлүүллэригэр социальнай өйөбүлү ыллылар. Өйөбүл төлөбүрүн уопсай суумата 84 мөл. солк. тахсыбыт, ону Субсидиялар ааҕыныстыбалара оҥордо.
Бу өйөбүл РФ Бэрэсидьиэнэ Владимир Путин көҕүлээбит «Олоххо наадалаах инфраструктура» насыаналынай бырайыагын соруктарыгар сөп түбэһэр.
Бу сыл тохсунньу-кулун тутар ыйдарыгар 5881 ыал олорор дьиэ уонна хомунаалынай өҥө субсидияларын ылбыт. Өссө 5511 элбэх оҕолоох ыал олорор дьиэ уонна хомунаалынай өҥө төлөбүрүгэр 30 бырыһыаннаах чэпчэтиини ылбыттар. Элбэх кыбартыыралаах дьиэлэргэ хапытаалынай өрөмүөн харчытыгар 5397 ыал төлөбүрдэрин ороскуотун толуйтарбыт. Маны таһынан, байыаннай дьайыы кыттыылаахтарын кытта бииргэ олорор 17 ыалга олорор дьиэ төлөбүрүн уонна хапытаалынай өрөмүөн усунуоһун ороскуотугар 50 бырыһыан суумалаах компенсация көрүллүбүт.
Бу сыл бастакы кыбартаалыгар өйөбүл миэрэлэригэр бэриллибит төлөбүр уопсай суумата 83 мөл. 996 тыһ. 330 солк. буолбут.
«Дьиэ кэргэн хас да оҕолоох буоллаҕына, ороскуот үрдүү турар – ас-үөл, таҥас-сап, оскуола, кылаас таһынааҕы дьарыктар. Хомунаалынай төлөбүр бүддьүөт улахан өттүн эмиэ ылар. Онон маннык көмө биһиэхэ олус суолталаах. Бу көмө көрүллэн арыый чэпчээбит курдук буоллубут: оҕолорбутугар элбэҕи ороскуоттуохпутун уонна ый аайы төлөбүрдэртэн сылтаан санаарҕаабакка сылдьыахпытын сөп. Бу чахчы даҕаны дьиэ кэргэҥҥэ улахан өйөбүл буолар», — диэн Дьокуускай олохтооҕо, элбэх оҕолоох ийэ Анна Тихонова санаатын үллэһиннэ.
СӨ Ил Дарханын уонна Бырабыыталыстыбатын пресс-сулууспата
-
0
-
0
-
0
-
0
-
0
-
0
