«Быйыл кулун тутарга уларытыылары киллэриини сис кэмитиэккэ барыллаан көрбүппүт, ону таһынан, сис кэмитиэттэргэ тус сыаллаах тосхолу эмиэ ырытыспыттара. Бу үлэ түмүгүнэн биһиги кэмитиэппит СӨ Бырабыыталыстыбатыгар норуот дьокутааттарыттан киирбит этиилэри ыыппыта, ону бырайыакка киллэрэргэ эппиппитин Бырабыыталыстыба учуоттаабыта. Күн бүгүн докумуон түмүгүн, Ил Дархан Айсен Николаев сокуоҥҥа киллэрэр көҕүлээһиннэрин, өрөспүүбүлүкэ социальнай-экэнэмиичэскэй сайдыытын тосхолугар уларытыылары киллэрэр сокуон барылын көрөбүт», — диэн билиһиннэрдэ Павел Петров.
Бу тосхолу 2018 с. ылыммыттара, билигин ону кэм ирдэбилинэн саҥардан, тупсаран, ситэрэн-хоторон биэрэргэ үлэ ыытыллар. Мунньахха биэс дакылааччыт: СӨ Экэниэмикэтин миниистирин бастакы солбуйааччыта Иван Елисеев, СӨ Үлэҕэ уонна социальнай сайдыыга миниистир Елена Волкова, СӨ Үөрэххэ уонна билимҥэ миниистирин солбуйааччы Степан Степанов, СӨ ОДьКХ уонна энергетикаҕа миниистирин солбуйааччы Сергей Киров, СӨ Култуураҕа уонна духуобунай сайдыыга миниистир солбуйааччыта Ирина Кобзева бэйэлэрин хайысхаларынан туруоруммут соруктарын, тосхолго туох уларыйыы киириэхтээҕин туһунан иһитиннэрдилэр.
Ол туһунан сиһилии "Ил Түмэн" хаһыат бу нэдиэлэтээҕи нүөмэригэр ааҕыҥ.
Василий Кононов хаартыскаҕа түһэриитэ.
-
1
-
0
-
0
-
0
-
0
-
0
