Сүрүн тиэмэтэ: «Бигэ туруктаах инникигэ тиийэргэ прагматичнай кэпсэтии». Аан дойду экэниэмикэтэ уларыйар кэмигэр сайдыы саҥа көрүҥүн ырытыһыахтара. Салааларынан арахсан, дьоҕус уонна орто урбаан, креативнай индустрия, эмкэ куттала суох буолуу о.д.а. пуорумнар ыытыллыахтара. Култуура бырагырааматын чэрчитинэн «Петербург сезона” бэстибээл, ПМЭФ успуорт оонньуута буолуоҕа.
Пуорум пленарнай мунньаҕа бэс ыйын 5 күнүгэр ыытыллыаҕа, онно Арассыыйа Бэрэсидьиэнэ Владимир Путин кыттыаҕа. Пленарка иннинэ бүгүн кини аан дойдутааҕы сонуннары тарҕатар ааҕыныстыба салайааччыларын кытта көрсүөҕэ.
Пуорумҥа быһа холоон 100-тэн тахса араас дойдуттан 20 тыһ. тахса киһи, судаарыстыбаннай диэйэтэллэр, аан дойдутааҕы улахан хампаанньалар, түмсүүлэр салайааччылара кыттыахтара.
2017-2018 сс. кэнниттэн аан бастаан пуорумҥа АХШ официальнай бэрэстэбиитэллэрэ кэллилэр. Ону таһынан, Саудовскай Аравияттан королевство дэлэгээссийэтин энергетика миниистирэ принц Абдель Азиз бен Сальман Аль Сауд салайар.
Ол туһунан «Парламентская газета» иһитиннэрэр: https://www.pnp.ru/economics/v-peterburge-otkryvaetsya-mezhdunarodnyy-ekonomicheskiy-forum-2026.html
Манна эбэн эттэххэ, Саха Өрөспүүбүлүкэтин Бырабыыталыстыбата, Ил Дархан Айсен Николаев, олохтоох хампаанньалар үгүө үгэс быһыытынан пуорумҥа сыл ахсын кытталлар.
Хаартыска Андрей Сорокин, ЯСИА.
-
0
-
0
-
0
-
0
-
0
-
0
