Намана өрүс кытылыгар ойуур бизонун олохсутарга өр кэмнээх бырагырааманы олоххо киллэрэргэ бииргэ үлэлэһии олохтонуоҕа. 2027-2029 сс. ойуур бизонун элбэтэргэ уонна харыстыырга кэккэ тэрээһиннэри үбүлүөхтэрэ. Бырагыраама оператора: Саха Сирин биологическай баайыгар, ураты харыстанар сирдэргэ уонна айылҕа пааркатыгар дириэксийэ.
Күн бүгүн Саха Сиригэр 300-тэн тахса бизон баар, кинилэр Сиинэ уонна Намана өрүстэр кытылларыгар олороллор. 2035 с. бизоннар 1000 төбөҕө диэри элбиэхтэрин сөп.
«Сахабыт Сирин айылҕатын, хамсыыр харамайын харыстааһын биир сүрүн сорукпут. Бииргэ үлэлээһин чэрчитинэн сэдэх кыыллары харыстыырга, айылҕаны бөҕөргөтөргө өр кэмнээх бырайыактары оҥоруохпутун сөп. Түһэрсиллибит сөбүлэһии ойуур бизонун популяциятын чөлүгэр түһэрэргэ, өрөспүүбүлүкэ айылҕатын харыстыырга көмөлөһүө», — диэн эттэ Айсен Николаев. Ол туһунан ЯСИА иһитиннэрэр. https://ysia.ru/sohranenie-unikalnoj-prirody-vazhnejshaya-zadacha-yakutiya-i-sahaneft-podpisali-soglashenie-na-pmef/
Хаартыска: Андрей Сорокин, ЯСИА.
-
0
-
0
-
0
-
0
-
0
-
0
