Уопсайа 2500 киһи кыттыбыт, 300 спикер панельнай сессияларга иһитиннэрии оҥорбут, 40 тэрээһин буолбут, резолюцияҕа 512 этии киирбит.
Былырыын Саха сирин Аартыкатын зонатыгар эбии 8 улуус киирбитэ. Ил Дархан Айсен Николаев Аартыка зонатыгар баар улуустары тырааныспартан, сир, баай-дуол нолуоктарыттан босхолообута. Ол туһунан уонна Саха сирин Аартыкатыгар баар кыһалҕалар тустарынан РФ Бэрэсидьиэнин иһинэн Саха өрөспүүбүлүкэтин бэрэстэбиитэлэ Андрей Федотов форумҥа иһитиннэрии оҥорбут.
Андрей Федотов “Аартыка: бүгүҥҥүтэ уонна кэскилэ” диэн норуоттар икки ардыларынааҕы IX форумугар оҥорбут иһитиннэриитигэр Аартыканы илиҥҥи уонна арҕааҥҥы зонаҕа араарар тоҕоостооҕун ыйбыт. Кини Илиҥҥи Аартыка тыйыс килиимэтин, дьон олоҕо-дьаһаҕа ситэри үөрэтиллэ илигин бэлиэтээн туран Илиҥҥи Аартыка научнай киинин тэрийэр туһунан этии киллэрбит.
-
0
-
0
-
0
-
0
-
0
-
0
