Издательский дом Редакция Подписка
Погода в Якутске: . -11 oC

 Ил Түмэн аҕыйах ахсааннаах төрүт норуоттарын уонна Аартыка дьыалаларыгар сис кэмитиэтин бэрэссэдээтэлэ Елена Голомарева “Аартыка: бүгүҥҥүтэ уонна кэскилэ” норуоттар икки ардыларынааҕы X форум бастакы күнүгэр “Хоту сир: Аартыка аҕыйах ахсааннаах төрүт олохтоохторун сайдыыта” панельнай сессияҕа иһитиннэрии оҥордо.

 Ил Түмэн аҕыйах ахсааннаах төрүт норуоттарын уонна Аартыка дьыалаларыгар сис кэмитиэтин бэрэссэдээтэлэ Елена Голомарева “Аартыка: бүгүҥҥүтэ уонна кэскилэ” норуоттар икки ардыларынааҕы X форум бастакы күнүгэр “Хоту сир: Аартыка аҕыйах ахсааннаах төрүт олохтоохторун сайдыыта” панельнай сессияҕа иһитиннэрии оҥордо.

Норуот дьокутаата форум кыттыылаахтарыгар бу сыл алтынньы ыйыгар Владимир Путин “2035 сылга диэри РФ Аартыкатын зонатын сайыннарыы стратегията уонна национальнай куттала суох буолууну хааччыйыы” докумуоҥҥа илии баттаабытын санатта. Елена Голомарева Аартыка экологиятын, аҕыйах ахсааннаах төрүт норуоттар үгэс олохторун харыстааһын судаарыстыба бэлиитикэтин соругунан буоларын эттэ.

Дьокутаат родовой общиналар сокуонунан көмүскэлэ суохтарын бэлиэтээтэ. “2007 сыллаахха диэри родовой общиналар ханнык быраап киэбинэн хаһаайыстыбаларын салайалларын талар бырааптаахтара. Холобур, тыа хаһаайыстыбатын кээпэрэтиибинэн эбэтэр хааччахтаммыт эппиэтинэстээх тэрилтэнэн буолуохтарын сөбө. Билигин общиналар кэмиэрчэскэйэ суох тэрилтэнэн буолаллар, ол иһин тыа хаһаайыстыбатын салаатынан үлэлэрин сайыннараллара уустук. Маны таһынан балыктыыр учаастактарга аукциоҥҥа общиналар бизнес тэрилтэлэри кытта тэҥҥэ кыттар кыахтара суох. Общиналарга бааннар кирэдьиит биэрбэттэр. Манан да көрдөххө, родовой общиналарга сыһыаннаан сокуон ситэритэ суох”, -- диэн иһитиннэриитигэр бэлиэтээтэ.  

Елена Голомарева РФ норуоттарын дьыалаларыгар федеральнай агенствоҕа дойду сокуонугар уларытыы киллэрэргэ эттэ. Уларытыы общиналар үгэс дьарыктарын ыытар сирдэрин төлөбүрэ суох туһаналларын, родовой общиналары тыа хаһаайыстыбатын тэрилтэлэринэн билинэллэрин туһунан буолуохтааҕын эттэ.

Панельнай кэпсэтии түмүгүнэн оҥоһуллар быһаарыыга ирбэт тоҥ туһунан федеральнай сокуон, бырагыраама ылылларын, Аартыка килиимэтин каартатын бэлэмнииллэрин, этнологическай экспертиза туһунан федеральнай сокуон оҥоһулларын туһунан боппуруостары киллэрэргэ эттэ.

  • 0
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением
Лента новостей

Суоппар буолар уустугурда

Муус устар 1 күнүттэн байаҥкамаат бэбиэскэтиттэн куотунар дьону тырааныспары ыытар…
28.03.24 17:19
Лента новостей

Интерактивнай быыстапка

«Арассыыйа – Мин устуоруйам» мультимедийнай устуоруйа пааркатыгар кулун тутар 20 күнүттэн…
28.03.24 16:23