Пленарнай мунньахха РФ Аартыкатын зонатын сайдыытын ситиһэр судаарыстыбаннай бэлиитикэҕэ Аартыка эрэгэйиэннэрин оруолларын, Аартыка эрэгэйиэннэрин экэниэмикэтин, бу сирдэр социальнай инфраструктураларын сайыннарыы туһунан кэпсэтиэхтэрэ.
13 ч.30 м. саҕаланар “Аартыка муниципалитеттара Аартыка зонатын сайыннарыы тиһигинэн буолаллар” диэн “төгүрүк остуолга” нэһилиэнньэ олоҕун хаачыстыбатын үрдэтиигэ былаас уорганнарын үлэлэрин, РФ Аартыкатын зонатын муниципальнай тэриллиилэрин социальнай-экэнэмиичэскэй сайдыыларын бырагыраамаларын, бу сирдэр социальнай инфраструктураларын сайыннарыы, муниципалитеттарга инвестицияны тардыы мэхэньиисимин туһунан кэпсэтиэхтэрэ. Бу күн Аартыка зонатыгар тырааныспарт тиһигин сайыннарыы, ниэп-гаас бырамыыссыланнаһын, айылҕа ураты харыстанар сирдэрин, туризм уонна да атын боппуруостарынан панельнай сессиялар буолуохтара. Онно Саха өрөспүүбүлүкэтин делегациятын чилиэннэрэ – Ил Түмэн дьокутааттара Виктор Губарев, Елена Голомарева, Экология уонна ойуур хаһаайыстыбатын миниистирэ Сахамин Афанасьев, Тас дойдулары кытта сыһыаннаһыыга миниистир Гаврил Кириллин, РФ бэрэсэдьиэнигэр Саха Өрөспүүбүлүкэтин бастайааннай бэрэстэбиитэлин солбуйааччы Юрий Кравцов кыттыахтара.
-
0
-
0
-
0
-
0
-
0
-
0
