Издательский дом Редакция Подписка
Погода в Якутске: . -12 oC

             Ил Түмэн Хотугу төрүт олохтоох аҕыйах ахсааннаах норуоттар боппуруостарыгар уонна Аартыка дьыалаларыгар сис кэмитиэтин бэрэссэдээтэлэ Елена Голомарева РФ айылҕа ресурсаларыгар уонна экологияҕа миниистирэ Александр Козловка хотугу кыыл табаны бултааһын болдьоҕор сыһыаннаах суругунан ыйытыгы түһэрдэ.

             Ил Түмэн Хотугу төрүт олохтоох аҕыйах ахсааннаах норуоттар боппуруостарыгар уонна Аартыка дьыалаларыгар сис кэмитиэтин бэрэссэдээтэлэ Елена Голомарева РФ айылҕа ресурсаларыгар уонна экологияҕа миниистирэ Александр Козловка хотугу кыыл табаны бултааһын болдьоҕор сыһыаннаах суругунан ыйытыгы түһэрдэ.

      Елена Голомарева суругар хотугу кыыл табаны бултааһын болдьоҕун кылгатыы Саха Өрөспүүбүлүкэтин Аартыкатааҕы сиригэр-уотугар олорор  нэһилиэнньэҕэ аймалҕаны таһаарбытын этэн туран, бу дьарык нэһилиэнньэ олоҕун-дьаһаҕын тэриниитин уонна оҥостуутун сүрүн төрүтэ буоларын таһынан, быһаччы тыыннаах хаалар, олох олорор боппуруостарын быһыытынан турарын чорбоччу тутан бэлиэтиир.

      «Былырыын ыам ыйыгар Ю.П.Трутнев РФ Аартыкатааҕы түбэтигэр олохтоох, уу уонна ойуур биоресурсаларыттан быһаччы тутулуктанан, олохторун-дьаһахтарын үгэс буолбут майгытын тутан олорор хотугу аҕыйах ахсааннаах төрүт норуоттарга тупсаҕай балаһыанньаны олохтооһун туһунан РФ бырабыыталыстыбатыгар этиилэри киллэрэргэ сорудахтаабыта. Ол эрээри, бу боппуруоска ханнык да хамсааһын тахсыбата.     РФ Айылҕа харыстабылын министиэристибэтин 2010 сыл сэтинньи 16 күнүнээҕи «Булт быраабылатын бигэргэтии туһунан» 512 №-дээх бирикээһигэр олоҕуран, хотугу кыыл табаны бултааһын болдьоҕо атырдьах ыйын 1 күнүттэн кулун тутар 15 күнүгэр диэри олохтоммута. Бу докумуон 2021 сыл тохсунньу 1 күнүттэн Айылҕа харыстабылын министиэристибэтин 2020 сыл бэс ыйын 24 күнүнээҕи бирикээһигэр олоҕуран, күүһүн сүтэрдэ. Саҥа бирикээһинэн бултааһын болдьоҕо атырдьах ыйын 1 күнүттэн тохсунньу 31 күнүгэр диэри олохтонно. Хотугу эргимтэ тас өттүгэр үөскүүр уонна мэччийэр туундара кыыл табата сэтинньи ортотуттан олунньу ый ортотугар диэри кыайан бултаммат. Ити кэмҥэ полярнай түүннэр сабардаан тураллар. Айылҕа сокуонун утары барбаккын. Туундара үйэлэргэ олохсуйан кэлбит үгэһинэн,  кыыл таба  эргэ сыл  атырдьах – сэтинньи ыйдарыгар, онтон саҥа үүммүт сыл олунньу ыйын ортотуттан кулун тутар ортотугар диэри бултанар. Аартыка түбэтигэр олорор нэһилиэнньэ, кыыл табаны бултааһын бу саҥа олохтоммут  болдьоҕор кыпчыттаран, ылбыт кубуотатын кыайан туһаммат туруктанна. Маннык балаһыанньа онто суох ыарахан олохтоох-дьаһахтаах нэһилиэнньэҕэ хайдах сабыдыаллыаҕын этэргэ уустук», -- диэн суруйар норуот дьокутаата Елена Голомарева.

    Түмүккэ кини төрүт олохтоох аҕыйах ахсааннаах хотугу норуоттар олохторугар-дьаһахтарыгар, сиэрдэригэр-майгыларыгар, доруобуйаларыгар, кэнэҕэски ыччаттарыгар уһулуччу суолталаах боппуруос үтүө өттүктээхтик быһаарыллыаҕар эрэлин биллэрэр.

Ил Түмэн пресс-сулууспата

    

       

    

  • 0
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением