Олоххо бастакы уочарат суолталаах табаары тиэрдии былаана 1075,8 тыһыынча туонна этэ. Бүгүҥҥү туругунан барыта 969,5 тыһыынча туоннаны тиэммиттэр ( 90,1 %) уонна 876,4 туоннаны (81,5 %) тиксэрбиттэр.
Сүрүн болҕомто таас чоҕу тиэйиигэ ууруллар. Дьэбэрикэ Хайатыгар 11941 туонна барбакка мунньуллан сытар эбит. Бу кыһалҕаны бастакы сорук быһаарыахтарын наада. Аллараа Халыма Зеленай Мыс пуордугар ДЭС уматыга бүтэн, кыратык графиктан кэһиллии тахсан ылбыт. Билигин Абыйга Индигиир өрүһүнэн чоҕу ыыппыттар. Дьааҥы өрүһүнэн 3000 туоннаны Баатаҕайга, Халыма өрүһүнэн 3400 туоннаны Зырянкаҕа тиэрдээри тиэнэ сылдьаллар.
Сайын устата 51,4 тыһыынча ньиэп барыахтааҕын, билиҥҥитэ 31,1 тыһ. туоннаны тиксэрбиттэр.
Быйыл таһаҕаһы тиэйиигэ икки сонун ньыманы туһаннылар: фруктаны Узбекистантан быһа аҕалан тарҕаттылар уонна кытыы нэһилиэктэргэ АН-2 сөмүлүөтүнэн оҕуруот аһын тиэртилэр. Онон хотулары аһынан-үөлүнэн, уматыгынан хааччыйыы балаһыанньата быйыл хаһааҥҥытааҕар да үчүгэй.
-
0
-
0
-
0
-
0
-
0
-
0
