«Этиллибит сууматтан 350 мөлүйүөнтэн тахса солкуобайа -- федеральнай бүддьүөттэн, 686 мөл. солк. -- өрөспүүбүлүкэттэн. Олохтоох үбүлээһин бу бырагыраамаҕа былырыыҥҥытааҕар 2,8 төгүл улаатта», -- СӨ Бырабыыталыстыбатын бэрэссэдээтэлин солбуйааччы Михаил Никифоров иһитиннэрэр.
Өрөспүүбүлүкэ көрбүт 686 мөл. солк. Аартыка оройуоннарыгар бородуукта тиэйиитигэр, үүт аһы оҥорон таһаарыыга уонна доруобуйа харыстабылын тэрилтэлэрин матырыйаалынай-тиэхэньиичэскэй базаларын бөҕөргөтөргө тус сыаллаахтар. Маны тэҥэ аҕыйах ахсааннаах норуоттар үгэс буолбут дьарыктарын өйүүргэ ананыахтара. 350 мөл. солк. үбү киин хааһынаттан Уһук Илини уонна Аартыканы сайыннарар министиэристибэни кытта Сөбүлэҥ түһэрсибиттэрин чэрчитинэн ылаллар. Манан Черскэйгэ, Орто Халыма куоратыгар, Баатаҕайга уонна Эдьигээҥҥэ атыы-эргиэн логистическай кииннэрэ тутуллуохтара.
-
0
-
0
-
0
-
0
-
0
-
0
