Балартан 95 %-на бытархай кыһыл көмүстээх боруода. Манна 28,629 туонна баара сабаҕаланар. Маны таһынан 113,935 туонна күндү тимирдээх 13 учаастагы учуокка туруорбуттар. Өссө 14,582 туонналаах учаастак техногеннай кыһыл көмүстээҕэ биллибит.
Роснедра дааннайынан, 2020 сылга саамай элбэх кыһыл көмүстээх учаастак Саха сиригэр көстүбүт. Nordgold Токко сиригэр 23,813 туонналаах түөлбэни булбут. Магадан уобалаһыгар “АГАТ” тэрилтэ Тенькинскэй куорат уокуругун учаастагын Тэутэджак диэн сиригэр 16,596 туонналаах учаастагы учуокка туруорбут. Красноярскай кыраайга “Золото Аяхты” ХЭУо Кондуяк учаастагар 15,571 туонна кыһыл көмүстээх төрүт түөлбэни булбутун туһунан биллэрбит. Хабаровскай кыраайга “Охотскай горно-геологическай хампаанньа” Аяно-Майскай оройуон Кундуми диэн сириттэн 14,467 туонна күндү тимирдээх учаастагы булбут.
Маны таһынан, Забайкалье кыраайын Ключевскай көмүстээх түөлбэтигэр техногеннай кыһыл көмүс улахан учаастага көстүбүт. Манна быһа холоон 12,135 туонна кыһыл көмүс уонна 11,7 туонна үрүҥ көмүс бааллара сабаҕаланар.
- 0
- 0
- 0
- 0
- 0
- 0