Бу туһунан брифиҥҥэ экологияҕа, айылҕаны туһаныыга уонна ойуур хаһаайыстыбатыгар миниистири солбуйааччы Андрей Коноплев иһитиннэрдэ. Баһаардары Алдан, Амма, Кэбээйи, Мииринэй, Өлүөхүмэ, Сунтаар, Уус Маайа оройуоннарыгар умуллардылар.
Ол да буоллар, авиациянан уонна космостан кэтээн көрүүгэ 2 тыһыынча гектарга 11 саҥа сиргэ тыаҕа уот турда.
Суукка саҕаланыыта Саха Сиригэр 159 ойуур баһаара уонна сиринэн баһаар бэлиэтэннэ. Алдан, Бүлүү, Ленскэй, Уус Маайа оройуоннарыгар 42 тыһыынча гектарга 4 баһаары хаптаттылар.
Бу үлэҕэ авиация туһаныллар, Як-40 зондировщик-сөмөлүөт Саха Сирин илин өттүгэр уонна Алдан оройуонугар үлэлиир. Саха Сиригэр“Авиалесоохрана” ФБТ киирсэр үһүс зондировщик сөмөлүөт кэлэрэ күүтүллэр.
ххх
РФ ЫБММ Саха сиринээҕи управлениетын начаалынньыга Павел Гарин биллэрбитинэн, сүрүн күүстэр нэһилиэнньэлээх пууннары уоттан көмүскүүллэр. Кутанаҕа, Дабааҥҥа, Быракааҥҥа баһаары умуруорааччылар уонна РФ МЧС быыһааччылара үлэлииллэр. Салгын аала Үөһээ Бүлүү, Алдан, Мииринэй улуустарыгар үлэтин салгыырын туһунан кини этэр.
Арассыыйа ЫБММ салгын аала Үөһээ Бүлүүгэ, Алдаҥҥа, Мииринэйгэ үлэтин салгыыр. Авиалесоохрана иһитинэрбитинэн, өрөспүүбүлүкэҕэ 159 ойуур баһаара бэлиэтэнэр, уот хаппыт уопсай иэнэ 865 тыһ.га.
Суукка устатыгар 8 баһаары умуруорбуттар, 4 бохсубуттар (уот хаппыт иэнэ 75 тыһ.га). Уоту утары охсуһууга 1 924 киһи, 163 көлө үлэлээбит. Алдан, Өлүөхүмэ, Ленскэй, Үөһээ Бүлүү, Бүлүү улуустарын нэһилиэньэлээх пууннар тастарыгар 11 ойуур баһаара бэлиэтэнэр.
Хаартыскалар куйаар ситимиттэн ылылыннылар
-
0
-
0
-
0
-
0
-
0
-
0
