АГАТУ салалтата 2020 сыл күһүнүгэр Өлүөхүмэ улууһун дьаһалтатын кытары сөҥнөһөн, Солянка сэлиэнньэтигэр ирбэт тоҥноох сир ойуурун чөлүгэр түһэриигэ экспериментальнай бырайыак быһыытынан анал питомнигы оҥорбута. Бу питомник уопсай иэнэ 4,2 гектар, ол иһигэр 3,67 гектардаах аһаҕас буорга 3 мөлүйүөн үнүгэһи олордор, 400 кв. м иэннээх сабыылаах сиргэ 140 тыһыынча үнүгэһи сиэмэттэн тылыннаран үүннэрэр кыахтаах.
АГАТУ устудьуоннара уонна аспираннара «Ойуур комплексын технологията уонна тэрилэ» кафедра профессора, техническэй наука доктора Игорь Григорьев салалтатынан ойуур хаһаайыстыбатын эйгэтигэр ыытар научнай-чинчийэр үлэлэрин биир сүрүн хайысхатынан бу питомник буолар.
– Өрөспүүбүлүкэҕэ маһы олордорго үнүгэскэ наадыйыы олус улахан, питомниктарга үнүгэстэри элбэтэн үүннэрии уопута көдьүүстээҕэ номнуо көстөн эрэр. Ити эрээри үлэбит бастакы түмүктэрин туһунан икки-үс сылынан этиэхпит, – диир ойуур комплексын уонна землеустройство факультетын декана, техническэй наука кандидата Мария Слепцова.
Солянкатааҕы питомникка сиэмэттэн тылыннаран үүннэриллибит бэс үнүгэстэрэ быйыл икки саастарын туоланнар, аһаҕас буорга олордуллуохтара. Бу туһунан Ил Дархан уонна Бырабыыталыстыба даһалтатын пресс-киинэ иһитиннэрэр.
-
1
-
0
-
0
-
0
-
0
-
0
