Ньурба Киин балыыhатын стоматолог бырааhа Яна Данилова кариеhы сэрэтэр сүбэлэри биэрдэ.
- Тиис кытаанах тканнарын бѳҕѳргѳтѳргѳ туhуламмыт кариес профилактикатын икки кѳрүңэ баар: эндогеннай уонна экзогеннай.
Эндогеннай профилактикаҕа организңа бүтүннүү үчүгэй дьайыыны хааччыйар тэрээhиннэр – позитивнай ньымалар киирэллэр. Бастатан туран, сѳпкѳ аhааhын. Аска белок, углевод, сыа-арыы, битэмииннэр уонна микроэлеменнэр сѳптѳѳх кээмэйгэ баар буолуохтаахтар. Аспытын кичэйэн ыстыыбыт. Ыстыыр ноҕурууска сыңаах-сирэй систиэмэтин барытын сѳпкѳ сайыннарар. Уопсай доруобуйабытын бѳҕѳргѳтѳбүт, стреhы аҕыйатарга кыhанабыт. Ону таhынан фторидтары иhэр кѳмѳлѳѳх. Маннык препараттары стоматолог аныыр.
Онтон кариес экзогеннай профилактикатыгар айах кѳңдѳйүн гигиената киирэр. Онуоха стоматологка сылга иккитэ профессиональнай ыраастааhыңңа сылдьар кѳдьүүстээх. Фтор уонна кальций препараттарын туттуохха сѳп. Биллэн турар, минньигэhи аҕыйатабыт, ордук эмэр, ыстанар кэмпиэттэри, кинилэр эмалы кытта уhун контактаах буоланнар, алдьатыылара улахан.
-
0
-
0
-
0
-
0
-
0
-
0
