Ити иннинэ икки тус-туһунан улуус этибит. Илин Хаҥалас улууһун киинэ бастаан Ороссолуода, онтон Павловскай этилэрэ. Мэҥэ улууһун киининэн Төҥүлү этэ. Бүтэйдээх Мэҥэҕэ киирсэрэ. Таҥара дьиэлээх, оскуолалаах, маҕаһыыннаах, балыыһалаах буолан, улуус култуурунай киининэн буолара. Атын улуустарга холоотоххо, улуус сирин-уота 11 тыһ. кв м иэннээх, саамай кыра сирдээх эрээри, нэһилиэнньэтин ахсаана 30 тыһ. кэриҥэ. Онон тыа сиригэр саамай элбэх нэһилиэнньэлээх улуус буолабыт. Улууспут баһылыга Николай Старостин отчуоттаабытынан, быйыл ыытыллыахтаах перепись улууска 35 тыһ. киһи олорорун көрдөрүөхтээх. Биһиги улууспутугар тимир суола кэлэн, тигинэччи үлэлии турар. Бэрт сотору биһиги сирбитигэр-уоппутугар Өлүөнэ өрүһү туоруур муостаны тутуу саҕаланыа. Онон илин эҥээр стратегическай суолталаах улууһунан буолабыт. Биир дойдулаахтарбытын улууспут күнүнэн эҕэрдэлиибит!
Сэндиэлэ түмсүү.
-
0
-
0
-
0
-
0
-
0
-
0