- Төһө да бу куһаҕан ыарыы биһиги өрөспүүбүлүкэбитигэр билигин ахсаана аҕыйаабытын иһин, араас быһыыга-майгыга бэлэмнэнэр ордук. Саҥа дьыл сынньалаҥнарын кэннэ ыарыы хаттаан көбүөн, ону таһынан тастан «омикрон» штамма киириэн сөп - диэн, өрөспүүбүлүкэбит Аҕа баһылыга дьиксинэрин туһунан санаатын эттэ.
Вице-премьер Ольга Балабкина: "Алҕас өрөспүүбүлүкэбитигэр «Омикрон» штамма киириэ диэн, билигин туһааннаах миэрэлэр ылыллан, бэлэмнэнии үлэтэ ыытыллан турар. Бу коронавирус саҥа көрүҥүн биир сүрүн кутталаах хаачыстыбатынан олус түргэнник тарҕанымтыата буолар. Доруобуйабыт харыстабылын систиэмэтэ эрэ уйдар диэн эрэл санаалаахпыт." - диэн иһитиннэрдэ.
Аҕыйах хонуктааҕыта ватсап уораҕайыгар "Мэҥэ Хаҥалас Бүтэйдээх нэһилиэгэр «омикрон» штаммын аҕаллылар" диэн сурах тарҕана сылдьыбыта. Кэлин ити сурах бигэргэтиллибэтэҕэ. Сымыйа дойҕох буоллар диэн эрэнэ саныыбыт. Биир дойдулаахтарбыт маннык ыксаллаах кэмҥэ сымыйа сурахтары ыыталларын туттунналлар. Киһи санаатынан үтүөрүөн да, кэхтиэн да сөп. Ону, бука диэн, болҕомтоҕутугар ыларгытыгар.
- 0
- 0
- 0
- 0
- 0
- 0