Күн бүгүн судаарыстыба дьиэ сыанатын модьуйуу быһыытынан түһэрэр бырааба суох, арай элбэх дьиэ тутуллан, ырыынакка килийиэн туһугар күрэстэһии, былдьаһыы үөскээтэҕинэ биирдэ сыана халбаҥныан сөп.
«Өрөспүүбүлүкэтээҕи ипотечнай агенство» дьон олорор дьиэтин тутуутун кээмэйин элбэтэргэ, ону социальнай инфраструктуранан хааччыйарга, тиэргэни тупсаҕай, табыгастаах гына оҥорорго, удамыр сыананы олохтуурга дьулуһан үлэлиир.
Хампаанньа 18 сыл тухары дьиэ тутуутугар эрэ буолбакка, тутуу матырыйаалын оҥорорго эмиэ үлэлэһэн эрэр. Крупнопанельнай дьиэ-уот тутуутугар сылга 50-100 тыһ. м2 матырыйаалы биэрэр кыамталаах аныгы собуот тутуллуохтаах.
«Тэрилтэбит тутуу матырыйаалын атын сиртэн бас быстар сыанаҕа атыылаһан аҕалбакка, бэйэ оҥоһуутун саҕалыахтаах. Крупнопанельнай дьиэ тутуутун хааччыйар аныгы собуот тутуллуохтаах. Оччотугар нэһилиэнньэҕэ удамыр сыаналаах дьиэ тутуута тэтимириэ этэ. Хаарбах эргэ мас дьиэттэн дьону көһөрөргө тутуу барар сирин биир кэлимник сайыннарыахтаахпыт, аныгы олох ирдэбилинэн олох таһыма тупсан иһэрин ситиһиэхтээхпит», — диэн билиһиннэрэр «Өрөспүүбүлүкэтээҕи ипотечнай агенство» генеральнай дириэктэрэ Владимир Трегубов.
Санатан эттэххэ, «Өрөспүүбүлүкэтээҕи ипотечнай агенство» дьон олорор уонна коммерческай хабааннаах эбийиэктэри, социальнай, инженернай инфраструктураны тутууга үлэлэһэр, итиэннэ ДОМ.РФ Баан агенын быһыытынан ипотека кирэдьиитин биэрэр, итиэннэ социальнай дьиэни куортамныыр.
-
0
-
0
-
0
-
0
-
0
-
0
