Килиэп кэмбинээтэ – киин куорат стратегическай суолталаах тэрилтэтэ буолар. Дьокуускай уонна куорат таһынааҕы бөһүөлэктэр килиэпкэ уонна килиэп-буулка оҥоһукка наадыйыыларын толору хааччыйар, ону таһынан бурдук ас арааһын Мэҥэ Хаҥалас, Чурапчы, Амма, Уус Алдан, Таатта, Нам, Горнай, Хаҥалас улуустарыгар тиийэ атыылыыр. Кондитерскай оҥоһуктары “Якутопторг” хампаанньа нөҥүө хотугу улуустарга эмиэ ыытар. Манна үлэ симиэнэн ыытыллар, төгүрүк сууккаҕа тохтообот.
-- Наада буолар бурдук саппааһа сайыҥҥы уу суола аһыллыар диэри баар, -- диэн генеральнай дириэктэр Светлана Кынакытова эрэллээхтик этэр. Ону таһынан саппааһы хаҥатыы үлэтэ эмиэ ыытылларын бэлиэтиир.
Күн бүгүн сыана уруккунан хаалан турар. Килиэп социальнай суолталаах суортарыгар сыана 2018 сылтан үрдүү илик. Кэмбинээт өрөспүүбүлүкэтээҕи суһал ыстаабы кытары бииргэ үлэлэһэр буолан, килиэп курдук аһылык сүрүн көрүҥэр сыананы үрдэппэт туһугар сыралаһар.
-
0
-
0
-
0
-
0
-
0
-
0
