Сийиэс үлэтигэр өрөспүүбүлүкэ бааһынай хаһаайыстыбаларын уонна тыа хаһаайыстыбатын кэпэрэтииптэрин истэриттэн талыллыбыт 300-тэн тахса дэлэгээт уонна тыа хаһаайыстыбатын кытта алтыһар үлэлээх тэрилтэлэр салайааччыларыттан, исписэлиистэриттэн 100-чэкэ ыҥырыылаах дьон кытталлар.
Маҥнайгы күн Бырабыыталыстыба Бэрэссэдээтэлин солбуйааччы Михаил Никифоров уонна тыа хаһаайыстыбатын миниистирэ Александр Атласов улуустардааҕы тыа хаһаайыстыбатын салайааччыларын кытары тыа хаһаайыстыбатын үлэтин өйөөһүҥҥэ ылбыт боломуочуйаларын хайдах толороллорун туһунан кэпсэттилэр. Маны тэҥэ потребительскай кэпэрэтииптэр салайааччыларыгар, исписэлиистэригэр, бааһынай хаһаайыстыбалар баһылыктарыгар уонна олохтоох салайыныы органнарын бэрэстэбиитэллэригэр анаан үөрэтэр сэминээрдэр тэрилиннилэр.
Тыа сирин ыччатын сойууһун Саха сиринээҕи салаата тэрилиннэ. Салаа сэбиэтигэр 15 чаҕылхай ыччат киирдэ. Бэрэссэдээтэлинэн АСАТУ аспирана Василий Домотов талылынна. Эдэр фермердэр эмиэ сэбиэт тэриннилэр.
Бүгүн, муус устар 6 күнүгэр, Бырабыыталыстыба 2 №-дээх дьиэтигэр Бырабыыталыстыба Бэрэссэдээтэлэ Андрей Тарасенко салайааччылаах тыа хаһаайыстыбатын кэпэрээссийэтин сайыннарыыга сүрүннүүр сэбиэт мунньаҕа буолар.
Киэһээ Ю.А. Гагарин аатынан култуура уонна аныгы ускуустуба Киинигэр өрөспүүбүлүкэ тыа хаһаайыстыбатын табаарын оҥорооччуларын сийиэһин түмүк мунньаҕар Ил Дархан Айсен Николаев кыттара күүтүллэр.
Хаартыскалар СѲ тыа хаhаайыстыбатын министиэристибэтин сайтыттан ылылынныллар.
-
0
-
0
-
0
-
0
-
0
-
0
