- Мин ааспыт күһүн буолбут быыбарга кыттан кыайан, дьокутаат буолбутум, оттон бэрэссэдээтэлинэн талыллыбытым.
Бу иннинэ прокуратураҕа өр сылларга үлэлээн, биэнсийэҕэ тахсыбытым. Кэбээйигэ улуус баһылыга Иван Левинныын төрөөбүт дойдубут сайдыытыгар биир сүбэнэн үлэлии-хамсыы сылдьабыт.
Билигин сорох федеральнай сокуоннар Саха сиригэр сөп түбэспэт түгэннэрэ бааллар. Бу өттүгэр болҕомто ууруллуон наада дии саныыбын.
Тус бэйэм бэрэстэбиитэллээх уорганнар сийиэстэрэ үрдүк таһымнаахтык ыытылла турар диэн сыаналаатым. Биһиги, муниципальнай тэриллиилэр дьокутааттара, бу тэрээһиҥҥэ сылдьан, бэйэ-бэйэбитин кытта билсэн, алтыhан, уопут атастаhабыт уонна уопуттаах парламентарийдар, бас-кѳс дьоммут тылларын-өстөрүн, санааларын истэн, сыаналаммат билиини ыллыбыт.
-
34
-
5
-
0
-
3
-
0
-
3
