Издательский дом Редакция Подписка
Погода в Якутске: . 27 oC

Муус устар 24 күнүгэр СӨ Тыатын хаһаайыстыбатын министиэристибэтэ хотон, сайылык тутуутугар куонкурус тэрийэн ыытта. Биэдэмистибэ 54 нүөмэрдээх боротокуолугар олоҕуран, СПОК  «Сээс» 100 миэстэлээх хотону туттарыгар 9 мөл. солк. суумалаах үбүлээһини көрдө .

Муус устар 24 күнүгэр СӨ Тыатын хаһаайыстыбатын министиэристибэтэ хотон, сайылык тутуутугар куонкурус тэрийэн ыытта. Биэдэмистибэ 54 нүөмэрдээх боротокуолугар олоҕуран, СПОК  «Сээс» 100 миэстэлээх хотону туттарыгар 9 мөл. солк. суумалаах үбүлээһини көрдө .

Саха Сиригэр Үлэ сылыгар «Сээс» потребительскай кээпэрэтиип (СОПК) салайааччыта, Балаҕаннаах нэһилиэгин эдэр кэскиллээх пиэрмэрэ Петр Кардашевскай тыа хаһаайыстыбатын министиэристибэтин ыыппыт куонкуруһугар кыайылаах тахсан, үгүөрү 9 мөл. солк. суумалаах үбүлээһини ылары ситистэ. Бэйэтэ кыттыгас 1 мөл. солк. сууматын кытта холбоон 10 мөл. солк. харчынан 100 ынах турар хотонун тутуутун саҕалыаҕа. Быйыл онон Балаҕаннаахтар үөрүүбүт улахан.

Санаттахха, кини 2016 сыллаахха ыытыллыбыт «Саҥа саҕалааччы пиэрмэр» куонкуруска кыттан, 1 мөл. 500 тыһ. солк. суумалаах Грант ыларыгар 4 эрэ сүөһүлээх этэ. Үлэлээбит сылларыгар кини ынах сүөһүтүн 90 тахса төбөҕө тиэрдэн, СӨ Тыатын хаһаайыстыбатын министиэристибэтин Гранын балаһыанньатын биэс сыллаах ирдэбилин эрэллээхтик толорбута. СӨ Ил Дархана Айсен Николаев 2023 сылы Үлэ сылынан биллэрбитигэр Петр Кардашевскай сыал-сорук туруорунан,  тыа хаһаайыстыбатын өҥөнү оҥорор «Сээс» кээпэрэтииби тэрийбитэ уонна тустаах регистрациятын аһарбыта.

Бу иннинэ кээпэрэтиип 100 төбө ынах-сүөһү турар хотон тутуутугар ТХМ-тин куонкуруһугар кыттар санаалаах кэккэ боппуруостарга хоруйдары ылаары, ону тэҥэ сүбэлэтэ тыа хаһаайыстыбатын миниистирэ Александр Атласовка уонна миниистири бастакы солбуйааччы Петр Поповка сылдьыбыта, сирэй көрсөн кэпсэппитэ. Министиэристибэҕэ эдэр салайааччы Петр Кардашевскайга куонкуруска киирсэр докумуоннары ситэрэн-хоторон бэлэмнииригэр сүбэлээбиттэрэ, үлэтин тиһэҕэр тиэрдэригэр, саҕалаабыт үлэтэ-хамнаһа түмүктээх буоларыгар уонна эдэр дьон тыа хаһаайыстыбатыгар ылсан үлэлииллэрин өйүүллэрин биллэрбиттэрэ.
Былырыын Балаҕаннаах нэһилиэгин өрүс арыытыгар кыстык отун Бүлүү өрүс уута таһымнаан, илдьэ барбытын үрдүнэн, СӨ Тыатын хаһаайыстыбатын министиэристибэтэ от атыыласпыт ороскуотун 30%-нын уонна от тиэйэр-таһар дьаһалларын толору уйуммута. Түмүгэр кини Дьокуускай куорат Хатаһыттан от тиэйтэрбитэ. Кэлин улуус иһиттэн Далыр уонна Мэйик нэһилиэктэриттэн от атыылаһан, кыстыгы этэҥҥэ туоруурун туһунан эрэллээҕин биллэрбитэ. Билиҥҥи туругунан Петр Владимирович биирдиилээн дону кытта дуогабардаһан, тус бэйэтин хаһаайыстыбатыгар эбии 4 ыал сүөһүтүн көрөр уонна харайар.

Инники өттүгэр дьоҥҥо көмөлөһөн, кинилэри кээпэрэтиипкэ киллэрэн, сүөһүлэрин көрөн, сүөһү ахсаанын элбэтиигэ сыал-сорук туруорунан  кээпэрэтиип тэрийбитэ. Петр Кардашевскай курдук эдэр патриот уолаттар үлэҕэ-хамнаска үлэ сылыгар ылсан эрэллэриттэн, өрөспүүбүлүкэ, улуус салалталара, тыа сирин дьоно-сэргэтэ, өйүөхтэрэ дии саныыбыт.

  • 1
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением
Уопсастыба

Балаҕан ыйыгар — быыбар

Биир куоластыыр күн – балаҕан ыйын 8 күнүгэр өрөспүүбүлүкэҕэ 79 быыбардыыр хампаанньа…
15.07.24 10:34