Михаил Никифоровы, СӨ тыа хаһаайыстыбатын миниистирэ Александр Павлович Атласовы Таатта улууһун өттүттэн оройуон баһылыгын солбуйааччы И.И. Потапов уонна улуустааҕы тыа хаһаайыстыбатын управлениетын салайааччытын солбуйааччы Г.С. Таппыров арыаллаатылар, улуус олоҕун-дьаһаҕын билиһиннэрдилэр. М.В. Никифоров илин эҥэр улуустар от үлэтин былаанын толорууга сөптөөхтүк дьаһанан олороллорун биллэрдэ. Былатыан Ойуунускай сырдык аатыгар сүгүрүйдэ.
Улуус өттүттэн Орто Амма нэһилиэгэр Төҥүөттэҕэ 478 ынах сүөһүлээх, 124 ыанньыктаах Татаринов Василий Константинович салайааччылаах «Хочо» ТХПК 120 миэстэлээх толору механизациялаах хотону «Строительство животноводческих комплексов» бэдэрээлинэй бырагырааманан үбүлэнэригэр туруорсуу тиэртилэр. Бу үлэ бырайыагын суумата 73 мөлүйүөн солкуобай, экспертизатын ситэ ааһа илик, хотон туруохтаах миэстэтигэр сирин оҥоруу түмүктэммит.
Маны таһынан оту таһыыга үп-харчы туруорсуута эмиэ былааннанар.
«Таатта» хаһыат
-
0
-
0
-
0
-
0
-
0
-
0
