«Тыа баһаара оттоммут оппутун сиэтэҕинэ, туох эмэ көмө баар дуо диэн ыйытыы үгүс киһини долгутар.
Оттоммут от киһи бэйэтин бас билиитэ, материальнай баайа-дуола буолар. Онон сокуон хараҕынан көрдөххө, бас билээччи бэйэтэ эппиэтинэһи сүгэр. Ол аата кини тахсыбыт хорумньуну сабынар туһугар сирин, отун страховкалыахтаах. Оччотугар хорумньу төһө эрэ бырыһыана төлөнөр.
Быйыл Таатта улууһугар тыа баһаардарын түмүгэр дьон оттообут ото уокка былдьанна. Тыа хаһаайыстыбатын министиэристибэтэ биллэн туран, көмөлөһүөн баҕарар, ол эрээри кини государство харчытын наардыыр, араас бырагыраамаларынан көрөн тыырар. Өрөспүүбүлүкэ салалтатын иннигэр анал бырагыраамалары көмүскүүр.
Билигин чопчу маннык көмө оҥоһуллуоҕа диэн этэр кыаллыбат. Эмсэҕэлээбит улуус дьаһалтата Тыа хаһаайыстыбатын министиэристибэтин аатыгар 190 нүөмэрдээх Бырабыыталыстыба таһаарбыт бэрээдэгэр олоҕуран сайаапка түһэриэн наада. Ол кэннэ быһаарыы ылыллыаҕа».
-
0
-
0
-
0
-
0
-
0
-
0
