Бу туһунан быһаарыыны Уһук Илин уокуругун боломуочуйалааҕа Юрий Трутнев салайааччылаах бырабыыталыстыбаннай хамыыһыйа президиумун мунньаҕар ылыннылар.
Бурятияҕа, Приморьеҕа, Хабаровскай кыраайга, Амур, Магадан уонна Сахалин уобаластарыгар тиэрдиллиэхтээх эбии үбүлээһин 448 мөл. солкуобайга тэҥнэһэр.
Бурятияҕа 50 мөл. солкуобайга 10 суһал көмө массыыната, мэдиссиинэ оборудованиета атыылаһыллыа, Улан-Удэҕа Үөрэхтээһин өрөспүүбүлүкэтээҕи киинин уонна Новоильинскай сэлиэнньэтигэр техникум, Охор-Шибирь учаастагар блочнай-модульнай хочуолунай тутуллуо.
Приморье Чугуевка сэлиэнньэтигэр ФОК тутуутун түмүктээһиҥҥэ 63 мөл. солкуобай көрүллүө.
Хабаровскай Соҕурууҥҥу уокуругун халаан уутуттан көмүскүүргэ 101 мөл. солкуобай тыырыахтара.
Амур уобаластааҕы клиническэй балыыһатын хапытаалынай өрөмүөнүгэр 58 мөл. солкуобайтан тахсаны ууруохтара.
Магадаҥҥа Портовой шоссе кытыытынан биэрэги бөҕөргөтүү үлэлэригэр 86 мөл.солкуобай бэриллиэ.
Кунашир Головнино сэлиэнньэтигэр оскуола-уһуйаан тутуутугар 59 мөл. солкуобайы аныахтара.
-
0
-
0
-
0
-
0
-
0
-
0
