Александр Пушкин айымньытыгар олоҕуран туруоруллубут испэктээги Арассыыйа норуотун артыыһа Евгений Князев ааҕыа. Аккомпанемены Саха Сирин филармониятын «Symphonica ARTica» оркестра оҥоруоҕа. Билиэттэри Нуучча тыйаатырын каассатыгар эбэтэр gardt.ru. саайтан атыылаһыахха сөп.
Евгений Князев курдук биллэр артыыс Дьокуускайга кэлэрэ култуура эйгэтигэр чугас дьоҥҥо чаҕылхай бэлиэ түгэн буолар. Кини толоруутунан Пушкин айбыт сюжета уратытык тиллэр диэн кириитиктэр сыанылыыллар. Чаҕылхай куолас көрөөччүнү нуучча норуотун орто үйэтигэр киллэрэрин бэлиэтииллэр. Артыыс оннук бэртээхэйдик куолаһын уларытан, оруоллары арыйарын этэллэр.
Испэктээк сүрүн чааһа – муусуката. Мусоргскай, Чайковскай, Рахманинов, Прокофьев айымньыларын Саха Сирин филармониятын «Symphonica ARTica» симфоническай оркестра толоруоҕа. Дирижер — СӨ ускуустубатын үтүөлээх диэйэтэлэ Наталья Базалева.
-
0
-
0
-
0
-
0
-
0
-
0
