Издательский дом Редакция Подписка
Погода в Якутске: . -12 oC

Кулун тутар 6-12 күннэригэр Саха Сирин култууратын пуондата уонна «ARTСевера» айар үлэни сайыннарыы академиятын интернациональнай бырайыагын чэрчитинэн, Сочига ыытыллыбыт «Евразия талааннара–2023» норуоттар икки ардыларынааҕы бэстибээлгэ өрөспүүбүлүкэ чиэһин көмүскүү Үөһээ Бүлүүтээҕи Н.И. Бойлоохоп аатынан оҕо ускуустубатын оскуола преподавателэ Майя Саввина салайааччылаах 12 үөрэнээччи кыттыыны ыллылар. Ол курдук, дойду  араас эрэгийиэннэрин бастыҥ үөрэнээччилэрэ уонна уһуйааччылара III норуоттар икки ардыларынааҕы «Евразия талааннара–2023» бэстибээлгэ күөн көрүстүлэр.

Кулун тутар 6-12 күннэригэр Саха Сирин култууратын пуондата уонна «ARTСевера» айар үлэни сайыннарыы академиятын интернациональнай бырайыагын чэрчитинэн, Сочига ыытыллыбыт «Евразия талааннара–2023» норуоттар икки ардыларынааҕы бэстибээлгэ өрөспүүбүлүкэ чиэһин көмүскүү Үөһээ Бүлүүтээҕи Н.И. Бойлоохоп аатынан оҕо ускуустубатын оскуола преподавателэ Майя Саввина салайааччылаах 12 үөрэнээччи кыттыыны ыллылар. Ол курдук, дойду  араас эрэгийиэннэрин бастыҥ үөрэнээччилэрэ уонна уһуйааччылара III норуоттар икки ардыларынааҕы «Евразия талааннара–2023» бэстибээлгэ күөн көрүстүлэр.

Бэстибээлгэ Сочи куорат араас худуоһунньуктара уонна кэлэктииптэрэ, оттон Саха Сириттэн  100 тахса киһилээх дэлэгээссийэ кыттыыны ылла.  Тэрээһини Сочитааҕы «Авторадио» диктора Алена Горбунова иилээн-саҕалаан ыытта. Куонкурус дьүүллүүр сүбэтигэр «PRO Женщин» Сочи куорат норуоттар икки ардыларынааҕы уопсастыба эрэгийиэннээҕи бэрэстэбиитэлэ Ольга Оськина, Арассыыйа худуоһунньуктарын идэлээх Сойууһун чилиэнэ, биллэр артыыс Джеки Чан уонна дизайнер Вячеслав Зайцев көстүүмнэрин тикпит дизайнер Ольга Поспехова, актер, артыыс Александр Ревва ийэтэ, ырыаһыт, тамада Любовь Рачеева,  СӨ норуодунай артыыһа, Арассыыйа уонна Саха Сирин үтүөлээх артыыһа, СӨ тыйаатырга диэйэтэллэрин Сойууһун чилиэнэ, СӨ үҥкүү национальнай тыйаатырын солиһа Афанасий Афанасьев,  Крым өрөспүүбүлүкэтин үтүөлээх артыыһа, режиссер, балетмейстер Василий Давыдов  уонна ырыаһыт, «Евразия куолаһа» аат хаһаайына Ержан Нургалиев үлэлээтилэр.

Күрэх көрүҥнэринэн национальнай үҥкүүгэ, вокалга, хоһоон ааҕыыга, таҥас-сап муода көрдөрүүтүгэр, живописька, декоративнай-прикладной ускуустубаҕа уонна таҥас дизайныгар улахан дьону кытта оҕолор тэбис-тэҥҥэ кииристилэр.  Үөһээ Бүлүүтээҕи Н.И. Бойлоохоп аатынан оҕо ускуустубатын оскуолатын үөрэнээччилэрэ уруһуйдарын эрэ буолбакка, пуондаҕа мунньуллубут бастыҥ үлэлэрин мустубут дьон-сэргэ көрүүтүгэр таһаардылар.

1cdacc1f eb07 40f6 a7f4 0eaabd4edc81

Хас биирдии кыттааччы үлэлэрин бэйэлэрэ дьүүллүүр сүбэ иннигэр көмүскээтилэр. Куонкурус түмүгүнэн оҕолор үрдүк сыанабылы уонна хайҕабылы ыллылар. Ол курдук,  дойдуларыгар үөрэнээччилэр «Кыайыы кубогын» аҕалбыттарын таһынан, Үөһээ Бүлүүтээҕи Кэнтик орто оскуолатын художественнай кылаас үөрэнээччитэ Алеша Иванов үһүс истиэпэннээх лауреат аатын ылла. Итини таһынан, Симона Семенова (Хомустаах нэһ.), Каролина Семенова (Кэнтик нэһ.), Эмилия Степанова (Ботулуу нэһ.) бастакы истиэпэннээх дипломан, Женя Дьячковская (Кэнтик нэһ.), Инна Семенова (Хомустаах нэһ.), Саяна Петрова (Кэнтик нэһ.), Айаан Афанасьев (Үөһээ Бүлүү нэһ.), Корнелия Иванова (Ороһу нэһ.), Сандара Родионова (Кэнтик нэһ.), Каролина Филиппова (Кэнтик нэһ.), Саргы Федотова (Үөһээ Бүлүү нэһ.) иккис истиэпэннээх дипломан аатын сүктүлэр.

7adbdbb0 1c8a 4db4 b040 80389c959e01

Оҕо ускуустубатын оскуола преподавателигэр, бөлөх салайааччытыгар Майя Саввинаҕа үөрүүлээх быһыыга-майгыга махтал суругу туттардылар уонна «Бастыҥ салайааччы» анал аат иҥэрдилэр.  Кини куонкуруска ыһыахха уонна олоҥхоҕо туһуламмыт үлэлэринэн кытынна. Тэрээһиҥҥэ Саха Сирин кыттааччылара араас худуоһунньуктары, ускуустуба эйгэтин айар дьоҕурдаах дьонун-сэргэтин кытта билистилэр. Бэстибээл көрөөччүлэрэ, кыттааччылара уонна дьүүллүүр сүбэ исписэлиистэрэ Саха Сирин дэлэгээссийэтин үлэлэрэ туспа тыыннааҕын, национальнай колориты сөҕө-махтайа арылхайдык көрдөрбүтүн бэлиэтээтилэр.

95c29ca5 97da 4586 896d 2b4f06f77e28

Маны таһынан, тэрийээччилэр Сочи куорат устуоруйатын сырдаттылар, баай-хомоҕой тыллаах-өстөөх араас интэриэһинэй номохтору, үһүйээннэри кэпсээтилэр. Оҕолор Сочи куорат тэбэр сүрэҕэр аан дойдуга аатырар сирдэринэн Олимпийскай стадиоҥҥа, Океанариумҥа, Адлер, Ривьера пааркаларыгар, дойду Бэрэсидьиэнэ Владимир Путин яхтатыгар сылдьан, илэ харахтарынан көрөн, олус астыннылар уонна дуоһуйдулар. Билигин Сочи куорат туһунан туоһуластахтарына, өйбүтүгэр-санаабытыгар аан маҥнай «Танцующие Фонтаны»,  оттон «Красная Поляна» уонна «Роза Хутор» курдук аатырар сирдэр көстөллөр, ону тэҥэ, биллэн турар, Хара Муора абылаҥа буолар.

dbe1fee4 733a 47e7 b5b8 3b23bdc699c5

Күрэххэ үрдүк ситиһиилэрбитинэн, оҕолору холкутук, ыраах айаҥҥа тэрийэн ыыппыттарыгар, кэлэр-барар айан-сырыы, Адлер куорат саамай бастыҥ «Изумруд» санаторийыгар сынньанар ороскуоттарын хааччыйбыттарыгар төрөппүттэргэ, ону тэҥэ туспа куонкурус тэрийээччилэригэр уонна Дора Балдановаҕа дириҥ махталбытын тиэрдэбит. Бу сырдык кэмнэри олохпут тухары  өйбүтүгэр-сүрэхпитигэр хатаан, өрүү иҥэринэ сылдьыахпыт!

b1a16324 199a 47d6 a585 444564a40aa7

Ыспыраапка

Н.К. Седалищев-Дьүөгэ Ааныстыырап аатынан Кэнтик орто оскуолатын иһинэн художественнай кылаас 1992 сылтан үлэлиир. Оҕолору СӨ үөрэҕириитин уонна култууратын туйгуна, 2018 с. «Ил Дархан» гранын хаһаайката Майя Саввина үөрэтэр.   Үөһээ Бүлүүтээҕи Н.И. Бойлоохоп аатынан оҕо ускуустубатын оскуолатын салаата буоларынан, 1995 сылтан саҕалаан, оҕолорго художественнай кылааһы бүтэрэллэригэр туоһу дастабырыанньа туттараллар. Оҕо ускуустубатын оскуолатын дириэктэринэн Анатолий Иванов үлэлиир. 2020 сылтан художественнай салааҕа үөрэххэ туттарсар оҕолорго анаан профильнай кылаас үлэлиир. Бэлиэтээн эттэххэ, Кэнтик сүрүн оскуолатыгар Үөһээ Бүлүү улууһун араас нэһилиэктэриттэн, ол эбэтэр Хомустаахтан, Намтан, Боотулууттан, Дүллүкүттэн уонна Балаҕаннаахтан тиийэ оҕолор интэринээккэ олорон, анал художественнай үөрэҕи баһылыылларын оскуола дириэктэрэ Владислав Семенов ситиспитэ.

01dfb311 ff8a 4f1d a937 2d82593843f61aef79d1 6ce3 4f08 aaa1 9164a066ec622b123956 b9c3 47f0 a9f7 7dc5b2fca6a42bd0b08c bfe6 4f6f ad74 0bed5344bcd33eee74c5 465c 4757 9452 3eb72bf775ac21af0a4d 2d24 4c89 a186 fb2373c2c73276d99c03 8832 4feb 9143 48ad3b30188b355c92f5 8921 4baf 8017 0a909703b4a5755d4d96 e8b2 4960 9512 1918d3eb3852928a9627 cd85 4afb bef3 6c79bc67a9a22703764e b487 419c bc37 214e005666d3b1a16324 199a 47d6 a585 444564a40aa7b8d35b7d 24c5 472a 8261 5461ff4688b2bb9cb0f2 6e62 4bf5 b17d e5b0115973b0c1012368 5ffe 46b9 8171 e7876cc90c37dbe1fee4 733a 47e7 b5b8 3b23bdc699c5e63d2c0e 1564 4330 bfd1 45458d7d3645f69a28df a2c0 4d4e bcef 853d9057e45a

Майя Саввина, Н.И. Бойлохов аатынан оҕо ускуустубатын оскуолатын преподавателэ

  • 14
  • 4
  • 0
  • 0
  • 1
  • 0

Комментарии (2)

This comment was minimized by the moderator on the site

Үөһээ Бүлүүлэргэ ситиһиилэри баҕарабын!

This comment was minimized by the moderator on the site

Бастыҥ уһуйааччыга эҕэрдэ!

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением