Бэс ыйын 24 күнүгэр Саха Өрөспүүбүлүкэтин Оһуокайын түмсүүтүн дьоно Үс Хатыҥҥа, 4-с нүөмэрдээх Оһуокай түһүлгэтигэр, Өрөспүүбүлүкэбит 100 уонна Оһуокай түмсүү 35 сылларыгар анаан түмсүүбүт чулуу дьоно буолан, бары үп-харчы хомуйан, норуоппут инники кэскилигэр, үүнэ сайда турарыгар Эмтээх Сэргэни туруордубут.
Сэргэ туруоруутун сиэрин-туомун ыытта, аал уоту оттон, алгыс тылын эттэ уонна алҕаата -- 95 саастаах ытык кырдьаҕаспыт, Саха Сирин Аар Дархан этээччитэ Егор Михайлович Осипов.
Сэргэбитин кытта түһүлгэбит иһигэр эһиил балаҕан, ураһа туттараллара буоллар диэн баҕа санаалаахпыт уонна ол туолуоҕар бука бары эрэллээхпит. Куораппыт баһылыгар, чулуу уолбутугар, мэр Евгений Николаевич Григорьевка бу Аар Баҕах Эмтээх Сэргэ сырдыкка, кэрэҕэ, сайдыыга сирдиир бэлиэ буоллун диэн алгыспытын тиэрдэбит. ДОМ!!!
-
3
-
0
-
0
-
0
-
0
-
0
