Издательский дом Редакция Подписка
Погода в Якутске: . 1 oC

Бу күннэргэ Саха Өрөспүүбүлүкэтин Ил Түмэнин вице-спикерэ Александр Жирков «Алтай хайысхатыгар Евразия сабыдыала» норуоттар икки ардыларынааҕы кэмпириэнсийэҕэ кытынна.

Бу күннэргэ Саха Өрөспүүбүлүкэтин Ил Түмэнин вице-спикерэ Александр Жирков «Алтай хайысхатыгар Евразия сабыдыала» норуоттар икки ардыларынааҕы кэмпириэнсийэҕэ кытынна.

Ол бара сылдьан, биллиилээх алтай суруйааччытын, тылбаасчытын, Алтай Өрөспүүбүлүкэтин култууратын үтүөлээх үлэһитин, Г.И. Чорос-Гуркин аатынан Алтай Өрөспүүбүлүкэтин судаарыстыбаннай бириэмийэтин лауреата Кулер Эзендикович Тепукову 70 сааһынан эҕэрдэлээтэ.

2

Оҕо суруйааччыта Кулер Тепуков 1990 сыллаахха «Солоны» диэн оҕо сурунаалын тэрийбитэ уонна күн бүгүнүгэр диэри сурунаал сүрүн эрэдээктэринэн үлэлиир. Ону таһынан кини алтай норуотун тылын, литературатын, үгэһин сырдатар «Азатпай» саайты төрүттээбитэ. К. Тепуков оҕолор сөбүлээн көрөр «Простоквашино», «Мама для мамонтенка», «Волк и теленок», о.д.а. мультфильмнары алтайдыы саҥардыбыта. Суруйааччы алтай уонна нуучча тылынан оҕоҕо аналлаах элбэх кинигэлэрдээх. Кини айымньылара оскуола бырагырааматыгар уонна оскуола иннинээҕи саастаах оҕолорго аналлаах босуобуйаларга киирбиттэрэ, Арассыыйа, СНГ уонна тас дойдулар норуоттарын тылларыгар тылбаастаммыттара. Кулер Тепуков – оҕо аймах сөбүлүүр поэта, кини хоһоонноругар үгүс көлүөнэ үүнэн таҕыста.

Александр Жирков алтай суруйааччытыгар Саха Сирин ааҕааччыларын, суруйааччыларын, чуолаан М. Горькай аатынан литературнай институкка бииргэ үөрэммит, Саха Сирин норуодунай суруйааччытын, Саха Өрөспүүбүлүкэтин Суруйааччыларын сойууһун бэрэссэдээтэлэ Иван Васильевич Мигалкин ааттарыттан истиҥ эҕэрдэтин тиэртэ.

index

Александр Николаевич түүр тыллаах оҕо  суруйааччыларын түмэн, араас омук уонна атын оҕолорго аналлаах айымньылар хардарыта тылбаастарын оҥорор туһунан санаатын эттэ. «Хардарыта тылбаас биһиги кэнчээри ыччаппыт иллээх-эйэлээх уонна доҕордуу буоларыгар төһүү буолуо этэ», – диэтэ парламентарий.

Биллэрин курдук, Александр Жирков иилиир-саҕалыыр «Аан дойду норуоттарын эпическэй айымньылара» серияҕа «Маадай Хара» алтай эпоһа сахалыы тылбаастанан тахсыбыта. Онуоха хардаран, алтайдар «Ньургун Боотур» олоҥхону алтай тылынан бэчээттэппиттэрэ. Александр Жирков Кулер Тепуковка бу сериянан сахалыы тылбаастанан саҥа тахсыбыт «Кунан Хара» тыва эпоһын бэлэх уунна.

3

А.Н. Жирков эдэр ааҕааччыларга туһаайан, Саха Өрөспүүбүлүкэтигэр оҕолор төрөөбүт тылларынан кыра саастарыттан саҥаралларын, оҕо уһуйааныгар уонна оскуолаҕа үөрэтэллэрин уонна онон киэн тутталларын кэпсээтэ.  Сахалыы уонна Хотугу норуоттар тылларынан элбэх оҕо кинигэтэ баарын бэлиэтээтэ. Кини алтай оҕолорун төрөөбүт тылларын таптыылларыгар уонна   үөрэтэллэригэр баҕа санаатын эттэ.

С.Васильев

  • 0
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением