10 кыайыылаах дьиэ кэргэн пиэрмэрдэрэ бырайыактарын олоххо үс хайысханан киллэриэхтэрэ – сүөһү иитиитэ, сылгы иитиитэ уонна хортуоппуй үүннэриитэ.
Уус Алдан, Чурапчы, Хаҥалас, Бүлүү, Томпо, Нам, Ленскэй уонна Нерюнгри оройуоннарыттан 8 хаһаайыстыба «Сылгы иитиитэ» уонна 2 хаһаайыстыба «Сылгы иитиитэ», «Хортуоппуй үүннэриитэ» хайысхаларынан граннары ылары ситистилэр. Тыа хаһаайыстыбатын бородууксуйатын оҥорон таһаарааччылары, чуолаан дьиэ кэргэн пиэрмэрдэрин гранынан уонна тыа хаһаайыстыбатын салааларын үбүнэн-харчынан өйөөһүн СӨ Ил Дархана Айсен Николаев сорудаҕынан оҥоһуллар.
Санаттахха, быйыл дьиэ кэргэн пиэрмэлэрин сайыннарыыга өрөспүүбүлүкэ үрдүнэн барыта 126,5 мөл. солк. көрүллүбүтэ, онтон федеральнай бүддьүөттэн – 98,3 мөл. солк. Бааһынай хаһаайыстыбалар баһылыктарыттан хамыыһыйа көрүүтүгэр 20 улуустан 62 сайаапка киирбитэ, ол иһиттэн 62 сайаапка куонкуруска хабыллан көрүллүбүтэ.
-
0
-
0
-
0
-
0
-
0
-
0
