Бу күн, күнүс 11 чаастан, «Таатта» литэрэтиирэнэй-художественнай түмэлигэр, Хадаайы алааһыттан, Өксөкүлээх Өлөксөй балаҕанын көмүлүөгүттэн «Өксөкүлээх сардаҥата» уоту ылыы сиэрэ-туома буолуо. Таатта улууһун баһылыга Айаал Бурцев уонна Өксөкүлээх Өлөксөй сиэнэ, РФ үөрэҕириитин туйгуна, СӨ үөрэҕириитин бочуоттаах бэтэрээнэ, Таатта улууһун бочуоттаах олохтооҕо Рива Реасовна Кулаковская «Өксөкүлээх сардаҥатын» Саха Сиригэр сандаардыахтара. Оскуолаларга, тэрилтэлэргэ уоту тиксэриэхтэрэ, суруйааччы айар үлэтин, олоҕун сырдатыахтара.
Тэрээһин быһа холбонуунан куйаар ситимин нөҥүө көстүөҕэ. Өрөспүүбүлүкэ олохтоохторун «Өксөкүлээх сардаҥата» аахсыйаҕа кыттыһаргытыгар ыҥырабыт. Сигэ: https://vk.com/call/join/r4AGOslqjh_Bijun5oEjIQ_arsulWuLYo8RIq3lzF9Q
- 2
- 0
- 0
- 0
- 0
- 0