Издательский дом Редакция Подписка
Погода в Якутске: . 20 oC

Ил Түмэҥҥэ бу күннэргэ Ил Дархан Айсен Николаев көҕүлээһининэн, 2004 сыл бэс ыйын 15 күнүнээҕи 135/1-С 275-III №-дээх «Саха Өрөспүүбүлүкэтин судаарыстыбаннай наҕараадаларын туһунан» сокуоҥҥа уларытыылары киллэрэргэ сокуон барылын киллэрдэ.

Ил Түмэҥҥэ бу күннэргэ Ил Дархан Айсен Николаев көҕүлээһининэн, 2004 сыл бэс ыйын 15 күнүнээҕи 135/1-С 275-III №-дээх «Саха Өрөспүүбүлүкэтин судаарыстыбаннай наҕараадаларын туһунан» сокуоҥҥа уларытыылары киллэрэргэ сокуон барылын киллэрдэ.

Сокуон барылын быһаарыы суругар ыйылларынан, барыл Саха Сирин биллиилээх судаарыстыбаннай уонна уопсастыбаннай диэйэтэлэ Мария Дмитриевна Нартахова,  Саха Өрөспүүбүлүкэтин уһулуччулаах судаарыстыбаннай диэйэтэлэ - Саха Өрөспүүбүлүкэтин Бастакы Бэрэсидьиэнэ Михаил Ефимович Николаев үтүө ааттарын үйэтитэр инниттэн уонна үлэ кэлэктииптэригэр үлэҕэ уһуйууну киэҥник билинэр сыалтан саҥа судаарыстыбаннай наҕараадалары олохтуурга туһаайыллар.

Сокуон барылынан үс саҥа судаарыстыбаннай бириэмийэ олохтонуоҕа:  1) Мария Дмитриевна Нартахова аатынан судаарыстыбаннай бириэмийэ; 2) «Өрөспүүбүлүкэ албан аатыгар уонна туһатыгар» Саха Өрөспүүбүлүкэтин Бочуоттаах бэлиэтэ; 3) «Саха Өрөспүүбүлүкэтин бочуоттаах уһуйааччыта» бочуоттаах бэлиэ.

Мария Дмитриевна Нартахова аатынан судаарыстыбаннай бириэмийэ социальнай-экэнэмиичэскэй сайдыыга – нэһилиэнньэни социальнай хааччыйыы, социальнай страховкалааһын, нэһилиэнньэ социальнай көмүскэлин уонна өйөбүлүн эйгэтигэр дьоһун кылааты киллэрбит дьоҥҥо бэриллиэҕэ.

«Өрөспүүбүлүкэ албан аатыгар уонна туһатыгар» Саха Өрөспүүбүлүкэтин Бочуоттаах бэлиэни Саха Өрөспүүбүлүкэтин сайдыытыгар, үлэҕэ үрдүк ситиһиилэрин, киһи уонна гражданин быраабын уонна көҥүлүн көмүскээһини, Арассыыйа Федерациятыгар уонна тас дойдуларга Саха Өрөспүүбүлүкэтин үтүө аатын үрдэтэри кытта сибээстээх Саха Өрөспүүбүлүкэтин иннигэр ураты үтүөлэрин, Арассыыйа Федерациятын уонна Саха Өрөспүүбүлүкэтин туһугар сулууспаларын иэһин эбэтэр гражданскай иэстэрин толорууга  хорсун уонна дьоруойдуу быһыыларын иһин наҕараадаланыахтара. "Өрөспүүбүлүкэ албан аатыгар уонна туһатыгар" Саха Өрөспүүбүлүкэтин Бочуоттаах бэлиэтинэн Саха Өрөспүүбүлүкэтин уонна норуотун иннигэр үтүөлэрин иһин наҕараадаланыахтарын сөп.

«Саха Өрөспүүбүлүкэтин бочуоттаах уһуйааччыта» бочуоттаах бэлиэ эдэр үлэһиттэргэ баай уопуттарын уонна киэҥ билиилэрин иҥэрбит уонна идэтийбит хас да көлүөнэни иитэн таһаарбыт үлэһиккэ бэриллиэҕэ.

Сокуон барылын ылыныы нэһилиэнньэ үтүөлэрин билинии уонна үлэҕэ, айарга-тутарга, олоххо-дьаһахха көхтөөх буоларга көҕүлүүр эбии дьаһалынан буолар.

Регламент ирдэбилинэн сокуон барыла парламент туһааннаах сис кэмитиэтигэр дьүүллэһиллиэ, ол кэннэ уочараттаах пленарнай мунньахха көрүллүө. Санатан эттэххэ, алтыс уочараттаах пленарнай мунньах муус устар 23-24 күннэригэр ыытыллара былааннанар.

  • 0
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением