Ходуһаҕа үүнэр луук доруобуйаҕа туһалаах өрүтэ үгүс: сэниэ эбэр элбэх битэмииннээх, харахха, сүһүөххэ үчүгэй, вирустары, бактериялары өлөрөр, холестерины түһэрэр. Ол эрэн куртахтара, быардара-бүөрдэрэ ыалдьар дьоҥҥо көҥүллэммэт. Элбэх луугу сиэтэххэ, куртах аһыытын (кислотноһын) үрдэтэр, ону таһынан, К битэмиин хааны хойуннарар кутталлаах диэн сэрэтэллэр.
Сибиэһэй луугу кыһыҥҥыга хаһаанарга сууйан баран кыра гына кырбыыбыт, ким хайдах сөбүлүүрүнэн амсайан көрөн тууһуубут, сүмэһинэ тахсарын курдук буккуйабыт уонна килиэби угар бакыакка угаттаан, морозильникка тоҥорон кэбиһэбит. Маннык луук сылы да супту күп-күөҕүнэн сытар, олох буортуйбат. Ону хостоон, ыһаары хортуоппуйга, сымыыкка, мииҥҥэ, соркуойга куттахха, амтанын олус тупсарар. Оттон сибиэһэй луугу сүөгэйдээх килиэпкэ ууран сиэтэххэ, киһи эрэ астынар.
Ааптар хаартыскаҕа түһэриитэ.
-
0
-
0
-
0
-
0
-
0
-
0
