Елена Голомарева Аартыка улуустарыгар быраастар миэстэтигэр кэлэн көрбүттэрин кэннэ өскөтүн туох эмит ыарыыны буллахтарына, дьон эмтэнэ барыахтааҕын туһунан эттэ. Дьокуускай куоракка өр кэмҥэ эмтэнэргэ ыалга ыйы-ыйдаан олорор, эбэтэр дьиэ куортамныыр табыгаһа суоҕун этэн туран, тустаах балыыһа таһыгар 1-2 ыйга олорорго гостиница курдук дьиэ булар наадалааҕын иһитиннэрдэ.
Ону таһынан, дьон доруобуйатын чөлүгэр түһэрэргэ, санаторийга эмтэнэргэ өрөспүүбүлүкэ тас өттүгэр баралларын ахтан туран, Дьокуускайга «Хоту» санаторийы тоҕо саҥардан, аныгы олох ирдэбилигэр эппиэттиир курдук оҥорботторун сураста. Сунтаарга Кэмпэндээйигэ, эбэтэр Мэҥэ Хаҥалас улууһугар Абалаахха араас ыарыыны эмтииргэ эмтээх бадараан, туус баарын, ону таба туһанар наадалааҕын бэлиэтээтэ.
СӨ Бырабыыталыстыбатын бэрэссэдээтэлин солбуйааччы Георгий Степанов быраастар мобильнай биригээдэлэрэ ыарыыны буллахтарына, тута ол киһини диспансернай учуокка туруоран эмтииллэрин, ыарыһаҕы быраҕан кэбиспэттэрин санатта. Өрөспүүбүлүкэ үрдүнэн реестр оҥоһуллан, кэккэ ыарыылаах киһини кэтээн көрөллөр.
Хаартыска ЯСИА.
-
1
-
0
-
0
-
0
-
0
-
0
