Кини булгуччулаах мэдиссиинэ страховкатын бырагыраамата, мэдиссиинэ өҥөтүн көрүҥэ сыл ахсын кэҥээн иһэрин биһириирин биллэрдэ. Урут харахха үрдүкү технологиялаах 250 эппэрээссийэни оҥорор этилэр, билигин ол ахсаана 1000 тиийдэ. Дьон харахтарын оҥотторо өрөспүүбүлүкэ тас өттүгэр бараллара, күн бүгүн Саха Сиригэр үрдүк таһымнаах офтальмологическай көмөнү оҥороллор. Өрөспүүбүлүкэтээҕи балыыһаҕа сүһүөххэ 350 эндопротезирование оҥороллоро 1600 диэри эбиллибит.
Маны таһынан, мобильнай мэдиссиинэ биригээдэлэрин кэҥэтэр наадатын бэлиэтээн туран, улуустарга төгүрүк суукка үлэлиир куойканы хааччыйарга этиитин киллэрдэ.
Юрий Николаев мэдиссиинэ эбийиэктэригэр кэккэ кыһалҕа баарын ыйда, хомунаалынай төлөбүр эмискэ ыараабытын, 2026 с. бастакы кыбаарталыгар 7% үрдээбитин бэлиэтээтэ. Иккиһинэн, 2027 с. кураанах куойкалары эрэгийиэн бүддьүөтэ төлүөхтээх, статистика көрдөрөрүнэн, ол билигин 45%. Харчытыгар таһаардахха, миллиардынан үп. Онон куойканы харыстаан, сөпкө туһанарга үлэ барыахтаах.
Хаартыска ЯСИА.
-
0
-
0
-
0
-
0
-
0
-
0
