Уҥа кытылга үс тирэҕи оҥоруохтара, сири үрдэтии үлэтэ салҕаныа, эһиилги үлэни бэлэмнииргэ быйыл коффердамнары таҥыахтара. Ону оҥорботоххо, тутуу болдьоҕо уһаан, сыаната ыараан хаалыан сөп. Киин пилон коффердамын оҥорорго, сири үүттээн баран бетону кутарга 5-6 млрд. солк. ирдэнэр. Күргэ тутуутугар 300 киһи, 100 тахса тиэхиньикэ үлэлии сылдьар, үлэ кыраапык быһыытынан барар. Эбийиэк тутуутугар 22 млрд. солк. номнуо укпуттар, быйыл федеральнай уонна өрөспүүбүлүкэ хааһынатыттан 3 млрд. солк. көрүллүбүт.
Тыырыллыбыт үп-харчы кээмэйинэн сир учаастактарын атыылаһыы үлэтэ салҕанар, Суол-иис пуондатын уонна «Олох инфраструктурата» национальнай бырайыак чэрчитинэн күргэҕэ киирэр суолу оҥоруохтара. «Умнас» эрэгийиэннээҕи суолга ГАИ пуоһуттан Владимировкаҕа диэри түөрт балаһалаах суол оҥоһуллубута, билигин 20-28 км., Табаҕаҕа диэри оҥоруохтаахтар.
Василий Кононов хаартыскаҕа түһэриитэ.
-
0
-
0
-
0
-
0
-
0
-
0
