Үйэттэн үйэҕэ бэриллэн кэлбит сүдү баайбыт, Ыһыах, Саха Өрөспүүбүлүкэтин бастакы Бэрэсидьиэнэ Михаил Ефимович Николаев көҕүлээһининэн, 35 сыл анараа өттүгэр судаарыстыбаннай таһымнаммыта. Бу ыйаах биһиги өрөспүүбүлүкэбит устуоруйатыгар биир бэлиэ түгэн буолбута уонна Ыһыах үгэспитин үйэтитэр, ураты тылбытын, култуурабытын сайыннарар суолтатын күүhүрдүбүтэ.
Норуот дьокутааттара Саха Сирин норуоттарын төрүт үгэстэрин, ураты култуураларын уонна тылларын харыстааhыҥҥа, айар бөлөхтөр уонна этнокултуурунай түмсүүлэр сайдыыларыгар туhаайыллыбыт сокуоннары көҕүлүүллэр, өйүүллэр. Биhиги норуоппут өбүгэлэрбититтэн утумнаабыт сыаннастарбытын уонна төрүт дьарыктарбытын илдьэ сылдьарынан, харыстабыллаахтык сыhыаннаhарынан, аныгы үйэҕэ саҥалыы тыыннаан сайыннарарынан киэн туттар.
Арассыыйаҕа биллэриллибит Норуоттар сомоҕолоһууларын, Саха Өрөспүүбүлүкэтигэр Култуура сылыгар бу үйэлэри уҥуордаан кэлбит үтүө үгэспит суолтата өссө ордук үрдүүр. Үрдүкү Айыыларга сүгүрүйэр, айгыр-силик айылҕабытын кытары алтыһар ытык-мааны Ыһыахпыт бар дьон сомоҕолоһуутун, ил-эйэ, доҕордоһуу туоната буолан, Саха Сиригэр олорор уонна үлэлиир-хамсыыр, айар-тутар норуоттары мэлдьитин түмэ турдун.
Үрүҥ Тунах ыһыахпыт биһиги сүрэхпитин үөрүүнэн, өрө көтөҕүллүүнэн толордун, саҥа саҕахтары арыйдын! Ийэ айылҕабыт силигилээн, тупсан турар кэмигэр эhиэхэ хас биирдиигитигэр уонна дьиэ кэргэҥҥитигэр чэгиэн-чэбдик доруобуйаны, этэҥҥэ буолууну, дьолу-соргуну баҕарабын. Арассыыйа норуоттарын доҕордоhуулара уонна сомоҕолоһуулара төрөөбүт дойдубут сайдыытын төрүөтэ буоллун!
Алексей ЕРЕМЕЕВ, Саха Өрөспүүбүлүкэтин Ил Түмэнин Бэрэссэдээтэлэ
-
0
-
0
-
0
-
0
-
0
-
0
