Мунньаҕы Арассыыйа Федерациятын үөрэҕин миниистирэ Сергей Кравцов уонна эспиэртиир бөлөх салайааччыта Симферополь уонна Крым митрополита Тихон салайан ыыттылар.
– Биһиги сорукпут оҕолору уонна ыччаттары духуобунай-нравственнай иитиигэ туһуламмыт бырайыактар көдьүүстэрин үрдэтии буолар. Ол бырайыактар хас да хайысхалаахтар. Бастакы – оҕолорго тулалыыр эйгэ, уопсастыба тустарынан тирэх өйдөбүллэри биэрэр кэлим учебниктары оҥоруу. Иккис – литератураны кытары үлэ, булгуччулаах уонна кылааһы таһынан ааҕыллар айымньылар испииһэктэрэ быһаарылынна. Үһүс хайысха БКСЭ кэрискэтигэр баарыттан-суоҕуттан тутулуга суох, оҕо личноһын сайыннарар предметтэргэ ананар, – диэтэ Сергей Кравцов.
Саҥа 2026-2027 үөрэх сылыттан «Арассыыйа духуобунай-нравственнай култуурата» диэн саҥа предмет киллэриллэр. Быйылгы 2026 сылы Үөрэх министиэристибэтэ Оскуола иннинээҕи үөрэхтээһин сылынан биллэрбитинэн, уһуйаан саастаах оҕолору иитиигэ улахан болҕомто ууруллар. Онон сибээстээн, уһуйааннары хайдах киэркэтэр, ханнык ырыалары, хоһооннору үөрэтэр туһунан сүбэлэр итиэннэ дьарыктары ыытыы бырагыраамаллара оҥоһуллубуттар. Олор балаҕан ыйын 1 күнүттэн олоххо киллэриллиэхтээхтэр эбит.
Симферополь уонна Крым митрополита, Патриарх култуураҕа сүбэтин бэрэссэдээтэлэ Тихон оҕолору уонна ыччаттары иитиигэ биэдэмистибэлэр икки ардыларынааҕы оробуочай хамыыһыйа үлэтин-хамнаһын туһунан билиһиннэрдэ. Бу туһунан Үөрэх уонна билим министиэристибэтэ МАХ ханаалга иһитиннэрэр.
Хаартыска: тустаах саайтан.
-
0
-
0
-
0
-
0
-
0
-
0
