Быйыл Иенгра эбэҥки национальнай нэһилиэгэ төрүттэммитэ 100 сылын туоларын бэлиэтээһин чэрчитинэн итиэннэ «Икэнипкэ», «Хуктывун» курдук национальнай бырааһынньыктар сыллата ыытыллар үгэстэрэ баарын, ону таһынан былырыын Олоҥхо ыһыаҕа тэрээһиннээхтик ыытыллыбытын учуоттаан, «Бакалдыны» норуоттар икки ардыларынааҕы таһымынан Нерюнгрига ыытары оройуон дьаһалтата бэйэтинэн көҕүлээн тэрийбит.
Бастакы күн ыалдьыттары көрсүүттэн саҕаланна. Ол курдук, Нерюнгритааҕы тимир суол баксаалыгар, аэропуортка уонна «Олоҥхоһут» скульптурнай комплекска көрсүһүү сиэрэ-туома тэрилиннэ.
Дьэ кырдьык да элбэх ыалдьыт кэлбит, олохтоохтору таһынан Алдан, Анаабыр, Булуҥ, Дьааҥы, Ленскэй, Өлөөн, Өлүөхүмэ, Уус Маайа, Хаҥалас, Эдьигээн улуустарыттан, итиэннэ Забайкалье, Красноярскай, Хабаровскай кыраайдартан, Амуур, Иркутскай, Сахалиин уобаластарыттан, Бурят Өрөспүүбүлүкэтиттэн, Ямал-Ненец аптаныамынай уокуругуттан дэлэгээссийэлэр кэлбиттэр. Ону таһынан Кытай народнай өрөспүүбүлүкэтиттэн орочоннор бэрэстэбиитэллэрэ бааллар.
Биһиги кэрэспэндьиэммит Галина Матвеева сиһилии суруйуутун хаһыакка ааҕыаххыт.
Хаартыска: Галина Матвеева түһэриитэ.
-
2
-
0
-
0
-
0
-
0
-
0
