Василий Николаев 2025 с. суол хаһаайыстыбатын үлэһиттэригэр ыарахан сыл ааспытын, Управтодор, суол-иис хампаанньаларын салайар хас да дириэктэр суут бириигэбэринэн көҥүллэрин күөмчүлэппиттэрин этэн туран, СӨ Тырааныспарга уонна суол хаһаайыстыбатыгар министиэристибэ салайааччыта суох хаалбыт тэрилтэлэри кытта хайдах үлэлиирин ыйыталаста. Дьокутаат тэрилтэлэр улахан суумалаах хантараагы толороллорун, аҥаардас Владимировкаттан Табаҕаҕа туоруур суолга диэри учаастагы 2 млрд. солк. оҥоруохтаахтарын эттэ.
Иккиһинэн, СӨ Тырааныспарга уонна суол хаһаайыстыбатыгар миниистир бастакы солбуйааччытын хаһан аныылларын туоһуласта.
СӨ Тырааныспарга уонна суол хаһаайыстыбатыгар миниистир солбуйааччыта Ольга Рафаилова дьокутаат боппуруоһугар эппиэттииртэн туттунна. СӨ Бырабыыталыстыбатын бастакы солбуйааччыта Дмитрий Садовников чахчы оннук балаһыанньа баарын, хантараак быһыытынан, суол-иис хаһаайыстыбатын тэрилтэлэриттэн үлэлэрин кэмигэр толороллорун ирдиэхпит диэтэ. Күн бүгүн үп-харчы балаһыанньата уустугун үрдүнэн, үлэ тохтообокко салҕанар. СӨ Тырааныспарга уонна суол хаһаайыстыбатыгар миниистир бастакы солбуйааччытын аныырга Бырабыыталыстыбаҕа каадыр бэлиитикэтин салайар департамент хас да хандьыдааты үөрэтэр, ол кэнниттэн ким анаммыта биллиэҕэ.
Ааптар хаартыскаҕа түһэриитэ.
-
0
-
0
-
0
-
0
-
0
-
0
